ភ្នំពេញ៖គណៈកម្មការធ្វើបច្ចុប្បន្នភាពរចនាសម្ព័ន្ធនិងជំរឿនមន្ត្រីជាក់ស្តែងនៅតាមរចនាសម្ព័ន្ធ និងក្រុមការងារជំរឿនរបស់ក្រសួងការងារនិងបណ្តុះបណ្តាលវិជ្ជាជីវៈ នឹងចុះធ្វើជំរឿនមន្រ្តីជាក់ស្តែងនៅតាមរចនាសម្ព័ន្ធរបស់ក្រសួង ដែលមានទីតាំងនៅរាជធានីភ្នំពេញ ចាប់ផ្តើមពីថ្ងៃទី២៨ ដល់ថ្ងៃទី៣០ ខែកក្កដា ឆ្នាំ២០២៦ ពេលព្រឹកចាប់ពីម៉ោង ៧:៣០ នាទីដល់ម៉ោង ១១:៣០ នាទី និងពេលរសៀលចាប់ពីម៉ោង ១៣:៣០ នាទី ដល់ម៉ោង ១៧:៣០ នាទី នៅតាមទីតាំងដូចខាងក្រោម៖
– ទីតាំងទី១៖ សាលប្រជុំជាន់ទី៩ នៃអាគារទីស្តីការក្រសួង នៅថ្ងៃទី២៨ និងថ្ងៃទី២៩ ខែកក្កដា ឆ្នាំ២០២៦
– ទីតាំងទី២៖ ជាន់ទី៧ នៃអគារស្នាក់ការកណ្តាលបេឡាជាតិសន្តិសុខសង្គម នៅថ្ងៃទី២៨ និង ថ្ងៃទី២៩ ខែកក្កដា ឆ្នាំ២០២៦
– ទីតាំងទី៣៖ សាលប្រជុំរំដួល ជាន់ផ្ទាល់ដី អគារអង្គរវត្ត នៃវិទ្យាស្ថានជាតិបណ្តុះបណ្តាលបច្ចេកទេស នៅថ្ងៃទី៣០ ខែកក្កដា ឆ្នាំ២០២៦
– ទីតាំងទី៤៖ សាលមហោស្រព ជាន់ផ្ទាល់ដី នៃវិទ្យាស្ថានជាតិពហុបច្ចេកទេសកម្ពុជា នៅថ្ងៃទី៣០ ខែកក្កដា ឆ្នាំ២០២៦។
ដើម្បីឱ្យដំណើរការនៃការចុះធ្វើជំរឿនមន្ត្រីជាក់ស្តែងខាងលើ ប្រព្រឹត្តទៅដោយរលូន និងទាន់ពេលវេលា ក្រសួងសូមស្នើ ថ្នាក់ដឹកនាំ និងមន្ត្រីគ្រប់រូប ចូលរួមសហការអនុវត្ត និងត្រូវមកបង្ហាញខ្លួនតាមទីតាំង និងពេលវេលាបានកំណត់ខាងលើ ដោយភ្ជាប់មកជាមួយនូវ អត្តសញ្ញាណប័ណ្ណសញ្ជាតិខ្មែរ(ច្បាប់ដើម) ក្នុងករណីមិនមានអត្តសញ្ញាណប័ណ្ណសញ្ជាតិខ្មែរ សូមយកលិខិតឆ្លងដែននៃព្រះរាជាណាចក្រកម្ពុជា ឬប័ណ្ណសម្គាល់ខ្លួនមន្រ្តីរាជការ ឬវិញ្ញាបនបត្របញ្ជាក់រដ្ឋបាល៕
#MLVT #HENGSour