បន្ទាយមានជ័យ៖ឯកឧត្តម តាន់ ផាន់ណារ៉ា អនុប្រធានក្រុមការងារចុះមូលដ្ឋានស្រុកមង្គលបូរី តំណាងដ៏ខ្ពង់ខ្ពស់ ឯកឧត្តម ជា ឆេង ប្រធានក្រុមការងារចុះមូលដ្ឋានស្រុកមង្គលបូរីនៅរសៀលថ្ងៃទី១១ ខែកញ្ញា ឆ្នាំ២០២៦នេះបានអញ្ជើញជាអធិបតីក្នុងមហាសន្និបាតកំណើតដំបូងសហគមន៍កសិកម្មទំនើបក្នុងក្របខ័ណ្ឌគម្រោង Empower នៅស្រុកមង្គលបូរី ខេត្តបន្ទាយមានជ័យ។
មហាសន្និបាតបានបោះឆ្នោតជ្រើសរើសសមាសភាពក្រុមប្រឹក្សាភិបាលចំនួន ១៣រូប និងគណៈកម្មការត្រួតពិនិត្យចំនួន ៥រូប ដើម្បីដឹកនាំការងារសហគមន៍។ ជាមួយគ្នានេះ មហាសន្និបាតបានសម្រេចកំណត់យកឈ្មោះ «សហគមន៍កសិកម្មទំនើបមង្គលបូរីរីកចម្រេីន»។
ឯកឧត្តម តាន់ ផាន់ណារ៉ា បានគូសបញ្ជាក់ថា ការបង្កើតសហគមន៍កសិកម្មទំនើបនេះ នឹងចូលរួមចំណែកយ៉ាងសំខាន់ក្នុងការលើកកម្ពស់ជីវភាពប្រជាកសិករ ពង្រឹងខ្សែច្រវាក់ផលិតកម្មដំណាំ និងសត្វ ព្រមទាំងបង្កើនភាពធន់ និងប្រសិទ្ធភាពសេដ្ឋកិច្ចនៅក្នុងមូលដ្ឋានស្រុកមង្គលបូរីទាំងមូល។
