ហាណូយ ៖ អគ្គលេខាបក្ស របស់វៀតណាម លោក ង្វៀន ភូទ្រុង (Nguyen Phu Trong) កាលពីថ្ងៃពុធ បានធ្វើជាអធិបតី ក្នុងកិច្ចប្រជុំគណៈកម្មាធិការ មជ្ឈិមស្តីពីការប្រឆាំង អំពើពុករលួយ ដោយលោកបានគូសបញ្ជាក់ ពីការប្តេជ្ញាចិត្ត និងការតស៊ូ ក្នុងការប្រយុទ្ធប្រឆាំងនឹងអំពើខុសឆ្គង។
របាយការណ៍ដែលបង្ហាញ ក្នុងសន្និសីទបង្ហាញថា ការងារប្រឆាំង អំពើពុករលួយមានការរីកចម្រើន ទាំងថ្នាក់កណ្តាល និងថ្នាក់មូលដ្ឋាន ដោយមានការពង្រឹងការ សម្របសម្រួលក្នុងការស្វែងរក និងដោះស្រាយការបំពាន ។
ករណីសរុបចំនួន ១ ០៩៩ ដែលមានចុងចោទចំនួន ២ ៤១១នាក់ ត្រូវបានកាត់ទោសពីបទជាប់ពាក់ព័ន្ធ ក្នុងអំពើពុករលួយ និងករណីសេដ្ឋកិច្ច។
ពាក់ព័ន្ធនឹងករណីក្រោមការទទួលខុសត្រូវរបស់គណៈកម្មាធិការកណ្តាល ប្រឆាំងអំពើពុករលួយ សំណុំរឿងថ្មីចំនួន ៤ រួមជាមួយចុងចោទ ២៤ នាក់ ត្រូវបានកាត់ទោស ខណៈចុងចោទ ៧៨ នាក់ បន្ថែមក៏ត្រូវបានកាត់ទោស ក្នុងសំណុំរឿង ដែលមានស្រាប់ចំនួន ១១ ផងដែរ៕
