ភ្នំពេញ៖ បន្ទាប់ពីស៊ីហ្គែមបានបញ្ចាប់ឥឡូវប៉ារ៉ាហ្គែមបានមកដល់ ដែលស្ថិតក្រោមណាក្យស្លោកកីឡាស្ថិតក្នុងសន្តិភាព ។ បើអត់សន្តិភាពចាំរត់គេចពីគ្រាប់ផ្លោងទៅបានហើយអត់មានពេលហ្នឹងទេ។
សម្តេចបញ្ជាក់ថា កុំថាហ៊ុន សែន កាចខ្ញុំកាចច្បាស់ហើយ បុន្តែមិនមែនសម្រាប់ម៉ារស់ទេ ខ្ញុំធ្វើដើម្បីសន្តិភាព។
សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៏បែបនេះក្នុងពិធីអញ្ជើញសម្ពោធទីតាំងថ្មី សាកលវិទ្យាល័យភូមិន្ទវិចិត្រសិល្បៈ ព្រមទាំងចែកសញ្ញាបត្រដល់និស្សិត ដែលបានបញ្ចប់ការសិក្សាពីសាកលវិទ្យាល័យនេះ នៅថ្ងៃទី២៤ ខែឧសភា ឆ្នាំ២០២៣។
សម្តេចបានបន្ថែមថា មិនមែនអ្នកឯងបួនដប់នាក់១០០នាក់មកបំផ្លាញសុខសន្តិភាពដែលមានប្រជាជនជាង១៧លាននាក់។ រឿងសន្តិភាពវាមានតម្លៃណាស់ហើយពិបាករកណាស់កុំចាំបាត់បង់សន្តិភាពហើយស្រែករកសន្តិភាព ទើបដឹងថាសន្តិភាពមានតម្លៃប៉ុណ្ណា។ ឥឡូវមានសន្តិភាពហើយនាំគ្នាថែរក្សាទៅ៕
