(ភ្នំពេញ)៖ នាព្រឹកថ្ងៃទី២៦ ខែកក្កដា ឆ្នាំ២០២៤ នៅអគ្គនាយកដ្ឋាន «ក.ប.ប.» បានរៀបចំកិច្ចប្រជុំបូកសរុបសកម្មភាពការងារប្រចាំខែកក្កដា ឆ្នាំ២០២៤ និងទិសដៅអនុវត្តការងារបន្ត ក្រោមអធិបតីភាពលោក ផាន អូន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប.។ កិច្ចប្រជុំនេះមានការអញ្ជើញចូលរួមពីលោក ឃ្លោក ជួន ទីប្រឹក្សាក្រសួងពាណិជ្ជកម្ម ឯកឧត្ដម លោកជំទាវ លោក អគ្គនាយករង ប្រធាននាយកដ្ឋាន ប្រធានសាខា ក.ប.ប. រាជធានី ខេត្ត និងលោក លោកស្រីអនុប្រធាននាយកដ្ឋាន។

របៀបវារៈនៃកិច្ចប្រជុំនេះរួមមាន៖
– មតិបើកកិច្ចប្រជុំរបស់ឯកឧត្ដមប្រធានអង្គប្រជុំ
– វឌ្ឍនភាពនៃការរៀបចំការវិភាគមុខងាររបស់អគ្គនាយកដ្ឋាន
– របាយការណ៍សង្ខេបរបស់នាយកដ្ឋានជំនាញទាំង៦
– បទអន្តរាគមន៍របស់ឯកឧត្ដម លោកជំទាវ លោក អគ្គនាយករង
– ការដាក់ចេញនូវវិធានការចំពោះមន្រ្តីដែលអសកម្ម
– ការរៀបចំឡើងវិញនូវការរៀបចំវគ្គបណ្ដុះបណ្ដាលតាមនាយកដ្ឋាន និងសាខា រាជធានី ខេត្ត
– បញ្ហាផ្សេងៗ