ក្រុមពាណិជ្ជករកម្ពុជាកម្ពុជាជាច្រើនក្រុមហ៊ុននៅថ្ងៃទី៤ ខែកញ្ញានេះ ដែលភាគច្រើនកំពុងតែកាន់កាប់ជំនួញវិស័យសំណង់ និងអចលនទ្រព្យបានចុះទៅពិនិត្យនៅក្រុមហ៊ុន LUBAN ផ្ទាល់ស្ថិតនៅស្រុកណាំហៃ ក្រុងហ្វរសាន ខេត្តគ័ងទុងប្រទេសចិន។
តំណាងអ្នកជំនួញកម្ពុជាឲ្យដឹងថា គោលបំណងធំនៃការចុះជួបផ្ទាល់និងរោងចក្រក៏ដូចជាចក្រុមហ៊ុនធំៗនេះគឺ ដើម្បីស្វែងរកឱកាសថ្មីដែលនឹងនាំចេញផលិតផលទៅកាន់ទីផ្សារប្រទេសកម្ពុជាដែលកំពុងតែមានការរីកចម្រើន។
លោក ភិន សុផល នាយកប្រតិបត្តិក្រុមហ៊ុន Five B grand park land បានលើកឡើងថា តាមពិតពេលបានឃើញផលិតផលល្អដូច្នោះជារៀងថ្មី សម្រាប់កម្ពុជាដោយសារតែនៅកម្ពុជាមិនធ្លាប់មានពីមុនមក ហើយបើសិនជាអាចនាំចូលទៅប្រទេសកម្ពុជានឹងល្អប្រសើរ ប៉ុន្តែយើងកំពុងតែគិតរឿងតម្លៃនិងគុណភាពជាចម្បង។
លោកបានមានប្រសាសន៍ថា ប្រទេសកម្ពុជាកំពុងតែមានតម្រូវការច្រើនផ្នែកសំណង់និងលំនៅឋានបែបលំហែកាយហើយក្នុងនាមអ្នកវិនិយោគកំពុងតែគិតផងដែរ ព្រោះនៅកម្ពុជាមិនទាន់ដឹងថា នឹងធានាបានដូចម្តេចសម្រាប់អតិថិជន ដូច្នោះចំពោះបទបង្ហាញរបស់ក្រុមហ៊ុនវិញថា គ្រឿងបង្គំនេះនឹងធានាគុណភាពរហូតដល់ទៅ៥០ឆ្នាំ ។
អ្នកជំនួញខាងលើមានសុទិដ្ឋិនិយមថា«ជំនួបពាណិជ្ជកម្មនៅទីក្រុង គ័ងចូវ ប្រទេសចិនលើកនេះអ្នកជំនួញកម្ពុជាយើងបានឃើញឱកាសជាច្រើនដូចជា ផលិតផលនៅក្នុងក្រុមហ៊ុននិងរោងចក្រផ្ទាល់ ដែលអាចនាំចេញនិងនាំចូលទៅប្រទេសកម្ពុជាយើង ខណៈដែលវិស័យអចលនទ្រព្យនិងការសាងសង់កំពុងតែមានតម្រូវការខ្ពស់នៅឡើយនោះ។
សម្រាប់ លោក លាង ចៅស៊ឹ ប្រធានក្រុមហ៊ុន LUBAN បានមានប្រសាសន៍ក្នុងជំនួបនិងពាណិជ្ជករកម្ពុជានៅរោងចក្រនៅថ្ងៃទី៤ខែវិច្ឆិកានេះថា ក្រុមហ៊ុនលោកកំពុងតែផលិតគ្រឿងបង្គំនិងបង្កើតឡើងនៅឆ្នាំ២០០៩នៅទីក្រុងគ័ងចូវនៅស្រុកហ្វរសាន ហើយបានបម្រើសេវាកម្មតម្លើង និងសេវាកម្មដេគ័រ ផ្ទះគ្រប់ប្រភេទ ដែលកំពុងតែមានតម្រូវការរបស់ប្រជាជនទូទៅនិងតាមបណ្តាប្រទេសផ្សេងៗ។
យោងតាងតំណាងក្រុមហ៊ុនខាងលើ សង្វាក់ផលិតកម្មមានកម្មករបម្រើការងារប្រមាណ ៦០០នាក់កំពុងតែបម្រើការងារនៅទីនេះនិងមានទីតាំងដីទំហំ ៣ហិកតា ដោយក្រុមហ៊ុនទទួលតម្លើងពីផ្ទះទំហំពី១០០ការ៉េ ឡើងទៅ និងមានគ្រឿងបង្គំខ្ពស់ៗប្រភេទជាច្រើនទៀតនិងបានកំពុងតែដាក់លក់ទៅ៨០ប្រទេសនៅលើពិភពលោក។
លោកបានបន្ថែមថា ក្រៅពីនេះក្រុមហ៊ុនធ្លាប់បានតម្លើង អគាររដ្ឋាភិបាល អគាររស់នៅនិងតម្រូវការផ្សេងៗទៀងនាពេលកន្លងមក ហើយក្រុមហ៊ុនទទួលស្គាល់ពីស្ថាប័នទទួលតម្លើងគ្រឿងបង្គំអន្តរជាតិផងដែរ។
ក្រុមហ៊ុន LUBAN តម្លើងគ្រឿងបង្គំមានច្រើនប្រភេទដូចជា បែបលឿន ផ្ទះសម្រាប់កម្មករ និងផ្ទះរស់នៅមានអាយុកាលរហូតដល់ទៅ២០ឆ្នាំ ហើយនេះជាប្រភេទផ្ទះវីឡាអាចធ្វើបានជាច្រើនជាន់ដែលអាចទប់និងរំជួយដី និងខ្យល់ភ្ជុះអាចរក្សាកម្តៅក្នុងផ្ទះនិងរក្សាកម្រៅពីក្រៅចូលក្នុងផ្ទះបាន។
