ក្រុមពាណិជ្ជករកម្ពុជាប្រមាណជិត ៣០ក្រុមហ៊ុន ដែលដឹកនាំ ដោយលោក ភារម្យ វិចិត្រដារ៉ា ប្រធានក្លឹបពាណិជ្ជករកម្ពុជាបានរៀបចំជំនួបពាណិជ្ជកម្ម និងការផ្គូរផ្គងពាណិជ្ជកម្មមួយធ្វើឡើងនៅខេត្តគ័ងទុងប្រទេសចិន រយៈពេល៤ថ្ងៃពីថ្ងៃទី ២ដល់ថ្ងៃទី៦ ខែកញ្ញា ដែលទស្សនកិច្ចនេះបានបញ្ចប់ជាផ្លូវការហើយនៅថ្ងៃទី៥ខែកញ្ញានេះ។
លោក ភារម្យ វិចិត្តដារ៉ា ប្រធានក្លឹបពាណិជ្ជករកម្ពុជាបានមានប្រសាសន៍បញ្ជាក់ថា ក្លឹបពាណិជ្ជករកម្ពុជាយើងបានបញ្ចប់ទស្សនកិច្ចពាណិជ្ជកម្មរយៈបេល៤ ថ្ងៃនេះបានផ្តល់ឱកាសដល់សមជិកយើងបានច្រើនដូចជាបានទៅមើលការរីកចម្រើននៅប្រទេសកម្ពុជាហើយសមាប់អ្នកវវិនិយោគដែលមិនទាន់ទៅលេងសុំទៅលេងប្រទេសកម្ពុជា។
លោកបានមានប្រសាសន៍ទៀតថា ក្លឹបពាណិជ្ជករយើងប្រមូលផ្តុំពាណិជ្ជករ ដែលមានបងពិសោធន៍លើសពី៥ឆ្នាំឡើង ដែលគ្រប់សមាជិកសុទ្ធតែជាក្រុមហ៊ុនល្អនិងអាចទុកចិត្តបាននិងជាកន្លែងមួយមានសេវាកម្មគ្រប់ប្រភេទអាចជួយបង្ហាញលោកអ្នកបាន។
លោកបានអះអាងថា កន្លងទៅក្រុមពាណិជ្ជករយើងបានទៅប្រទេសចិនមួយឆ្នាំក៏៣ដងដែរ ហើយក្នុង១ ឆ្នាំយើងក៏មានអ្នកវិនិយោគចិនទៅស្វែងរកឱកាសវិនិយោគនៅកម្ពុជាបានមិនតិចដែរ។
លើសពីនេះលោកបន្ថែមថា ចំណុចទាំងអស់នេះបង្ហាញថា កម្ពុជាចិនមានទំនាក់ទំនងល្អ និងគ្នាអាចស្វែងរកឱកាសវិនិយោគលើគ្រប់វិស័យ ដើម្បីការអភិវឌ្ឍប្រទេសកម្ពុជា។
យោងតាម លោក វិចិត្រដារ៉ា លើកឡើងថា ក្រុមហ៊ុនដែលមកទស្សនកិច្ចនេះសុទ្ធតែជាក្រុមហ៊ុនដែលអាចចាប់ដៃគូរពាណិជ្ជកម្មនិងគ្នាបាន ហើយនេះជាឱកាមួយសម្រាប់ពាណិជ្ជករប្រទេសទាំងពីរផងដែរ។
ក្លឹបពាណិជ្ជករកម្ពុជាបង្កើតឡើងរយៈពេល៥ឆ្នាំហើយ ដែលប្រមូលផ្តុំដោយអ្នករកស៊ីលើគ្រប់វិស័យតែលើកនេះ នឹងផ្តោតលើវិស័យសំណង់ជាធំ ដោយសារតែឱកាសនៃការរីកចម្រើននៅកម្ពុជាមានច្រើនជាពិសេសវិស័យអលនទ្រព្យផងដែរ។
