ប្រព័ន្ធផ្សព្វផ្សាយ Worldometer បានចុះផ្សាយថា ចំនួនមនុស្សស្លាប់ដោយសារ វីរុសCovid-19នៅជុំវិញពិភពលោក បានកើនឡើងដល់ជិត៦ម៉ឺននាក់ហើយគឺចំនួន៥៩១៤១នាក់ គិតត្រឹមថ្ងៃសៅរ៍ទី០៤ខែមេសានេះ ។
ចំណែកចំនួនមនុស្សឆ្លងវីរុសCovid-19នៅជុំវិញពិភពលោក ក៏បានកើនឡើងដល់ជាងមួយលាននាក់ហើយដែរគឺចំនួន១ ០៩៨ ០០៦នាក់ ខណៈដែលអ្នកជាសះស្បើយពីវីរុសនេះបានកើនឡើងដល់ចំនួន ២២៨ ៤០៥នាក់ ។
ដោយឡែកសម្រាប់សហរដ្ឋអាមេរិក ការឆ្លងរាលដាលនៃវីរុស Covid-19និងការបាត់បង់ជីវិតមនុស្សដោយសារវីរុសផ្លូវដង្ហើមមួយនេះ ក៏មានល្បៀនដែរ ដែលក្នុងរយៈពេល២៤ម៉ោងក្នុងចន្លោះពីថ្ងៃសុក្រដល់ថ្ងៃសៅរ៍នេះចំនួនមនុស្សឆ្លងថ្មីនៅសហរដ្ឋ អាមេរិកមានចំនួន៣២២៨៤នាក់ ដែលនាំអោយចំនួនឆ្លងសរុបកើនឡើងដល់២៧៧១៦១នាក់និងមនុស្សស្លាប់ថ្មីមានចំនួន ១៣២១ នាក់ដែលនាំអោយមនុស្សស្លាប់សរុបកើនឡើងដល់ ៧៣ ៩២នាក់ ៕
