(ភ្នំពេញ)៖ នាយឧត្តមសេនីយ៍ សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ បានឲ្យដឹងថារហូតមកដល់ពេលនេះមន្ត្រីនគរបាល បានដកហូតឯកសារមិនប្រក្រតីពីជនបរទេសបានជាង៧ម៉ឺននាក់ មាន៥សញ្ជាតិក្នុងនោះជនជាតិវៀតណាម មានច្រើនជាងគេរហូតដល់៩០ភាគរយ នៅព្រឹកថ្ងៃទី២១ ខែមករា ឆ្នាំ២០១៩នេះ ។
នាយឧត្តមសេនីយ៍សន្តិបណ្ឌិត សុខ ផល បានបញ្ជាក់ថា ការដកហូតឯកសាររដ្ឋបាលកម្ពុជាមិនប្រក្រតីដែលជនបរទេសកំពុងកាន់កាប់ប្រើប្រាស់ដូចជាអត្តសញ្ញាណប័ណ្ណ សៀវភៅគ្រួសារ និងឯកសារផ្សេងៗទៀតបាន ចំនួន៧៣០០០នាក់មកពី៥សញ្ជាតិរយៈពេល៤ឆ្នាំកន្លងមកនេះ ហើយពួកគេក៏ត្រូវបាន ចាប់បញ្ជូនទៅប្រទេសគេវិញជាបន្តបន្ទាប់ផងដែរ។
ចំណែកជនជាតិវៀតណាមវិញដែលរស់នៅលើទឹខេត្តកំពង់ឆ្នាំងត្រូវបានធ្វើការដោះស្រាយជាបន្តបន្ទាប់ផងដែរដើម្បីសំអាតទឹកឲ្យស្អាត និងរៀបចំសោភ័ណ្ឌភាពឡើងវិញខណៈការរៀបចំរហូតដល់បច្ចុប្បន្ននេះបានចំនួនច្រើនហើយដែរ។
យោងតាមការធ្វ់ើស្ថិតិជំរឿនឆ្នាំ២០១៦ តួលេខជនបរទេសអន្តោប្រវេសន្តសរុបមានចំនួន ៤៦.៧៧៦គ្រួសារ មនុស្សចំនួន ១៧៦.៨១២នាក់ ៕
