ព្រៃវែង ៖ លោក ទូច វណ្ណៈ ប្រធានក្រុមការងារ ស.ស.យ.ក. ចុះជួយស្រុកស្វាយអន្ទរ និងលោក ប៉ិច សុង អភិបាលស្រុកស្វាយអន្ទរ លោក អ៊ុង ផាន អធិការស្រុកស្វាយអន្ទរ ស.ស.យ. ក. ស្រុកនៅថ្ងៃទី១២មិថុនានេះបានចុះធ្វើសកម្មភាពជួសជុលផ្លូវលំ ១ខ្សែ ប្រវែង ១ ០៥០ម៉ែត្រ ដោយប្រើប្រាស់ថ្មមិច។
ការជួសជុលផ្លូវ១ខ្សែ នេះគឺជាផ្លូវចាស់យូរមកហើយ ដោយក្រុមការងារ មានការចាក់ថ្មមិចចំនួន១ ឡានផងដែរ ដើម្បីកែល្អឡើងវិញ ស្មើទឹកប្រាក់ ១លានរៀល ដែលជាអំណោយរបស់លោក ស សុខា រដ្ឋលេខាធិការក្រសួងអប់រំ យុវជន និងកីឡា និងជាអនុប្រធាន ស.ស.យ.ក. ទទួលបន្ទុកខេត្តព្រៃវែង បាត់ដំបង និងខេត្តបន្ទាយមានជ័យ និងលោកជំទាវ កែ សួនសុភី ស្ថិតនៅក្នុងភូមិព្រៃខ្វែក ឃុំស្វាយអន្ទរ ស្រុកស្វាយអន្ទរ ខេត្តព្រៃវែង ។
