សមត្ថកិច្ចនិយាយថា បទល្មើសនេះ កើតឡើងកាលពីវេលាទៀបភ្លឺ ថ្ងៃទី៨ ខែវិច្ឆិកា ឆ្នាំ២០២១ នៅចំណុចផ្ទះសំណាក់ភ្នំមាស ភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្តាល ។

ជនរងគ្រោះ ឈ្មោះ ផន ប្រុសតូច ភេទប្រុស អាយុ២៣ឆ្នាំ មានទីលំនៅភូមិសង្កាត់កើតហេតុ មុខរបរមេការផ្ទះសំណាក់ភ្នំមាស ។

ដំបូងឡើយ ជនសង្ស័យបានចូលដេកផ្ទះសំណាក់ភ្នំមាស ។ លុះពេលចេញមកវិញ ជនសង្ស័យបានគិតលុយដោយបាន លួចកៅ អីឈើចំនួន២លើកដាក់ក្នុងរថយន្តរបស់ខ្លួន តែដោយមានការសង្ស័យខាងបុគ្គលិកផ្ទះសំណាក់ បានឃាត់សួរនាំហើយឃើញកៅអីឈើរបស់ផ្ទះសំណាក់ចំនួន២នៅក្នុងគូទរថយន្ត។

បច្ចុប្បន្ន ជនសង្ស័យកំពុងត្រូវបានសាកសួរនៅអធិការដ្ឋាននគរបាលក្រុងតាខ្មៅ ដើម្បីចាត់ការតាមច្បាប់។ ចំណែកជនសង្ស័ យខាងលើបានសារភាពថា ខ្លួនបាន លួចយ កកៅអីរបស់ជនរងគ្រោះចំនួន៣ដង មកហើយទាំងលើកនេះ ដោយបានកៅអី ឈើចំនួន៦កៅអី ។