ភ្នំពេញ៖ ក្រោយពីសម្ដេចតេជោ ហ៊ុន សែន នាយករដ្ឋមន្ត្រីបានបញ្ជាឲ្យរឹបអូសដីរបស់ អតីតអភិបាលខេត្តកំពង់ឆ្នាំងរហូតទៅដល់ជាង 2000 ហិកតា មកធ្វើជាកម្មសិទ្ធិរបស់រដ្ឋវិញ ពីលោក ឈួរ ច័ន្ទឌឿន ដែលលួចកាន់កាប់ព្រៃលិចទឹកនិងវាតទីយកមកធ្វើជាកម្មសិទ្ធិផ្ទាល់ខ្លួន ប៉ុន្តែឥឡូវនេះ រឿងថ្មីស្រឡាងមួយទៀតនៅខេត្តកែបឯណោះវិញ បានផ្ទុះឡើង ដោយត្រូវបានក្រុមពលរដ្ឋនិងមន្រ្តីរាជការជាច្រើនកំពុងតែទទួចស្នើឲ្យរាជរដ្ឋាភិបាល សម្តេចតេជោ ហ៊ុន សែន និងថ្នាក់ដឹកនាំស្ថាប័នជំនាញៗ គួរចាត់វិធានការលើករណីការរំលោភយកដីព្រៃលិចទឹកនិងឆ្នេរអង្កោល ដែលពាក់ព័ន្ន និងមន្ត្រីជាន់ខ្ពស់ក្រសួងសេដ្ឋកិច្ចនិងហិរញ្ញវត្ថុ។
សេចក្តីរាយការណ៍ពីក្រុមពលរដ្ឋនៅខេត្តកែប និងមន្រ្តីរាជការមួយចំនួនធំបាននិយាយប្រាប់សារព័ត៌មានដេលីខ្មែរថា នៅខេត្តកែវិញមានការរំលោភយកដីព្រៃលិចទឹក ដីឆ្នេរអង្កោល រួមនិងដីកោងកាងជាច្រើន ប៉ុន្តែមិនទាន់ឃើញមានចំណាត់ការនៅឡើយទេ រហូតមកដល់ពេលនេះ ខណៈដែលពលរដ្ឋភាគច្រើនកំពុងតែទន្ទឹងចាំមើល ថាតើស្ថាប័នជំនាញណាមួយហ៊ានចាត់វិធានការលើមន្រ្តីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ ដែលប្រភពស្និទ្ធសុំមិនបញ្ចេញឈ្មោះបង្ហើបថា «មានតួនាទីជាអគ្គនាយកគ្រប់គ្រង់ថវិការដ្ឋនៅក្រសួងសេដ្ឋកិច្ចនិងហិរញ្ញវត្ថុផងដែរ»។
ថ្វីត្បិតតែប្រភពព័ត៌មានសុំលក្ខណ្ឌមិនបញ្ចេញឈ្មោះ ប៉ុន្តែពួកគាត់និយាយថា តើនឹងមានចំណាត់ការទៅរួចទេ បើមន្ត្រីរដ្ឋកាន់ប្រាក់វាល់ រាប់លានដុល្លារមកយកដីសមុទ្រនិងដីព្រៃលិចទឹកបានរហូតទីតាំងខ្លះចេញប្លង់ និងសង់សំណង់រឹងមាំរួចទៅហើយនោះ ឬមួយមន្រ្តីនោះមានខ្នងបង្អែកធំ ទើបមិនទាន់ឃើញមានចំណាត់ការតាមផ្លូវច្បាប់។
ក្រុមពលរដ្ឋទាំងនោះនិយាយថា នៅឆ្នេរអង្កោល អតីតរបស់វីរៈព្រំដែនទឹក នៅក្នុងភូមិអង្កោល ស្រុកដំណាក់ចង្អើរ និងដីជុំវិញប៉មបុរាណជាកន្លែងជាប្រវត្តិសាស្ត្រសង្គ្រាមក៏គេអាចដូរចេញនិងយកបានចេញដោយយកជំនួសជនដែលជនមានប្រាក់ទៅវិញ ហើយមិនឃើញមានចំការនៅឡើយ។
មន្រ្តីរាជការនិងពលរដ្ឋជាច្រើនខាងបាននិយាយថា« ដីខាងលើគេសង់ក្លាយជារបស់ លោក អន់ វង្ស វ័ន មានតួនាទីជាអគ្គនាយកថវិកាថ្នាក់ក្រោមជាតិនៃក្រសួងសេដ្ឋកិច្ចនិងហិរញ្ញវត្ថុ»។
ចំណែកលោក សោមពិសិដ្ឋ អភិបាលខេត្តកែបបានលើកឡើងថា ភូមិអង្កោល បានប្រកាសតំបន់វិនិច្ឆ័យ ចេញបានឲ្យដោយដី១ជួរ និងដីពលរដ្ឋកាន់កាប់អាស្រ័យផលធ្វើការវាស់វែងជូនហើយ លោកបានជំរុញឲ្យនូវការវាស់វែងតាមនីតិវិធី កាត់ចំណីព្រែក ចំណីសមុទ្រតាមគោលការណ៍ ប៉ុន្តែទោះជាយ៉ាងណាក៏ដោយដីជាក់ស្ដែងនឹងដីដែលបានវាស់វែង ចុះបញ្ជីជាគោលការណ៍ ។
សារព័ត៌មាន ដេលីខ្មែរ នៅមិនទាន់សុំការបំភ្លឺពី លោក អង្គ វង្ស វឌ្ឍនៈ ដែលប្រភពបានចោទថា មានតួនាទីជាអគ្គនាយកថវិកាថ្នាក់ក្រោមជាតិនៃក្រសួងសេដ្ឋកិច្ចនិងហិរញ្ញវត្ថុ បាននៅឡើយទេ ពាក់ព័ន្ធនិងការចោទប្រកាន់នេះ។
សម្តេចតេជោ ហ៊ុន សែន ថ្មីៗនេះ បានថ្លែងតាមសារសម្លេងថា«អ្នកដែលមានពាក់ព័ន្ធជាមួយអ្នកណាផ្សេងទៀត យើងមិនអាចអត់អោនអោយបានទេដែលយើង កំពុងខិតខំប្រយុទ្ធជាមួយនឹងជំងឺកូវីដ19។ បែរជាមន្ត្រីរបស់យើងមួយចំនួនធ្វើសកម្មភាពដោយគ្មានការទទួលខុសត្រូវ គ្មានការក្រែងរអាចំពោះច្បាប់ របស់ប្រទេសជាតិ អ្នកទាំងនិងមិនសក្តិសមធ្វើជាមន្ត្រីតទៅទៀតទេ ពួកគេដេកគុកប្រសើរជាងធ្វើជាមន្ត្រី ហើយសុំកុំនិយាយថា ធ្វើការជូនបក្សកូនរដ្ឋ បែរ រដ្ឋឬគណបក្សមិនយោគយល់)»។
យោងតាម អនុក្រឹត្យ ចុះហត្ថលេខា របស់សម្ដេចតេជោនាយករដ្ឋមន្ត្រី នៅថ្ងៃទី ២៤ ខែកក្កដាឆ្នាំ ២០១៥ ត្រង់ មាត្រាទី ៨ បានកំណត់ថា ឆ្នេរនិងពាម សមុទ្រត្រូវកំណត់ចម្ងាយ 100 ម៉ែត្រ ពេលទឹកជោ អតិបរមា ដោយគិតពីមាត់ឆ្នេរ និងមាត់ពាម សមុទ្រហើយប្រសិនបើមានផ្លូវសាធារណៈក៏គិតត្រឹមផ្លូវនោះ ចុះក្រឡេកមកមើលទីតាំងនេះវិញ ហេតុអ្វីបានជាគេសង់សំណង់រឹងមាំថ្មីៗលើដីឆ្នេរនិងវាទទីយកដីព្រៃកោងកាងនេះបានទៅវិញ។
