លោក ហ៊ី ដេអ៊ីហ្សា ហូរីណូអូជិ ឯកអគ្គរដ្ឋទូតវិសាមញ្ញនិងពេញសមត្ថភាពជប៉ុនប្រចាំនៅកម្ពុជាបានថ្លែងថា មធ្យោបាយដឹកជញ្ជូនមានតួនាទីសំខាន់ណាស់ក្នុងការផ្ដល់សេវាដឹកជញ្ជូនក្នុងក្រុងដល់ប្រជាពលរដ្ឋក្នុងការធ្វើដំណើរពីទីកន្លែងមួយទៅកាន់កន្លែងមួយ ហើយធានាសុវត្ថភាពដល់អ្នកធ្វើដំណើរ ហើយកន្លងមកមានប្រជាពលរដ្ឋដែលគាត់បានធ្វើដំណើរតាមរយៈរថយន្ដក្រុង មានការគាំទ្រនូវដំណើរការរថយន្ដក្រុងនេះ។ ហើយបានជួយកាត់បន្ថយការកកស្ទះចរាចរណ៍និងជួយកាត់បន្ថយថវិកាមួយចំនួន។
លោក ឃួង ស្រេង អភិបាលរាជធានីភ្នំពេញបានថ្លែងថា ការកំណត់ផ្លូវអាទិភាពសម្រាប់រថយន្ដក្រុងសាធារណៈនេះជាការកែលំអរប្រព័ន្ធដឹកជញ្ជូនតាមរយៈមធ្យោបាយសាធារណៈ អោយកាន់តែបានលទ្ធផលល្អប្រសើរ។ ដើម្បីធ្វើការទាក់ទាញអ្នកធ្វើដំណើរអោយគាត់យល់និងជិះកាន់តែច្រើនឡើងហើយកាត់បន្ថយការប្រើប្រាស់រថយន្ដផ្ទាល់ខ្លួនសំដៅកាត់បន្ថយការកកស្ទះចរាចរណ៍ ការគ្រោះថ្នាក់ចរាចរណ៍និងថវិកាជាច្រើន។
កន្លងមកសាលារាជធានីភ្នំពេញបានខិតខំកែលំអរឲ្យរថយន្ដដឹកជញ្ជូនសាធារណៈនេះ ធ្វើដំណើរបានទៀងទាត់ដោយមានផ្លូវអាទិភាព និងផ្លូវឯកទិសដើម្បីឲ្យអ្នកបើកបរគោរពច្បាប់និងពេលវេលាអោយបានទៀងទាត់ដើម្បីទាក់ទាញប្រជាពលរដ្ឋក្នងការធ្វើដំណើរក្នុងរាជធានីភ្នំពេញ ដើម្បីបង្វែពីការធ្វើដំណើរជាលក្ខណៈឯកជនមករួមធ្វើដំណើរដោយរថយន្ដក្រុងវិញ។
សូមបញ្ជាក់ថា កន្លងមកសាលារាជធានីភ្នំពេញបានដាក់ឲ្យដំណើរការរថយន្ដក្រុងជាសាធារណៈបានចំនួន១៣ខ្សែហើយនៅតាមបណ្ដាផ្លូវសំខាន់ៗមួយចំនួននៅក្នុងរាជធានីភ្នំពេញ ហើយមានប្រជាពលរដ្ឋធ្វើដំណើរតាមរយៈរថយន្ដក្រុងនេះមានចំនួនចន្លោះចាប់ពី២ម៉ឺននាក់ទៅដល់៣ម៉ឺននាក់ក្នុងមួយថ្ងៃៗ ៕
