ខេត្តប៉ៃលិន, នៅថ្ងៃអាទិត្យ ៥រោច ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៥ ខែមិថុនា ឆ្នាំ២០២៥ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្មព្រមទាំងសហការី បានចុះ ពិនិត្យសកម្មភាពប្រមូលទិញ និងស្តុកពោត និងដំឡូងមី នៅតាមទីលានប្រមូលទិញ ឃ្លាំងស្កុក និងឡសម្ងួតពោត និងដំឡូងមី មួយចំនួននៅក្នុងខេត្តឧត្តរមានជ័យ បន្ទាយមានជ័យ បាត់ដំបង និងប៉ៃលិន។
