ភ្នំពេញ:លោកឧកញ៉ា ឡាយ ឈុនហួ អគ្គនាយកក្រុមហ៊ុ
ន ម៉ាស៊ីនកិនស្រូវ City Rice Import Export Co បានថ្ពេលែងបញ្ញជាក់ថា មួយឆ្នាំ ២០២៥ City Rice បានចាយថវិកាអស់ខ្ទង់រង្វង់ ៧០ លានដុល្លារ ក្នុងការប្រមូលទិញស្រូវពីកសិករ ដើម្បីប្រមូលទិញស្រូវពីកសិករ។
លោកឧកញ៉ា ឡាយ ឈុនហួ លើកឡើងថា ក្នុងនោះ សម្រាប់ស្រូវសើម City Rice បានប្រមូលទិញពីប្រជាកសិករក្នុងរង្វង់ប្រមាណ ៣៥ ម៉ឺនតោន។
សម្រាប់ទីផ្សារនាំចេញ លោកឧកញ៉ា បានបញ្ជាក់ថា ក្នុងឆ្នាំ២០២៥ សង្កេតឃើញថា ទីផ្សារចិនមានការរីកចម្រើន។ លោកថា ទីផ្សារចិន នៅក្នុងឆ្នាំ២០២៣ និងឆ្នាំ២០២៤ មានការថយចុះ មានន័យថានាំចូលមិនសូវច្រើន ប៉ុន្តែសម្រាប់ឆ្នាំ២០២៥ នេះ សម្រាប់ City Rice ឃើញថាមានការកើនឡើងវិញ។
លោកឧកញ៉ាបន្តថា ទីផ្សារផ្សេងៗដែលមានការកើនឡើងមានដូចជា ទីផ្សារអូស្ត្រាលី ញូសេឡេន អាមេរិក និងកាណាដា គឺមានការកើនឡើងខ្លះៗដែរ។
ក្រៅពីនេះ ក៏នៅមានទីផ្សារ អឺរ៉ុបក៏ឃើញមានការកើនឡើងគួរឱ្យកត់សម្គាល់ដូចគ្នាដែរសម្រាប់ក្រុមហ៊ុន City Rice នៅក្នុងឆ្នាំ២០២៥។
លោកឧកញ៉ា បានអះអាងទៀតថា នៅក្នុងឆ្នាំ២០២៦នេះ City Rice នឹងជំរុញការនាំចេញអង្ករទៅកាន់ទីផ្សារមួយចំនួនដូចជាកាណាដា អាមេរិក ហើយនឹងព្យាយាមនាំចូលទៅក្នុងប្រទេសហ្វីលីពីន ប្រសិនជាទីផ្សារទាំងអស់នោះមានតម្រូវការខ្ពស់៕
