តាកែវ៖ មន្ត្រីសាខាកាំកុងត្រូលខេត្តតាកែវរួមជាមួយនឹងអាជ្ញាធរពាក់ព័ន្ធបានទៅអប់រំសិស្សានុសិស្សនៅតាមសាលារដ្ឋនិងសាលាឯកជនឲ្យយល់ពី ចំណីអាហារដែលទិញទៅយកទៅបរិភោគសូមពិនិត្យមើលកាលបរិច្ឆេទឲ្យបានត្រឹមត្រូវជៀសវាងចំណីអាហារមួយចំនួនដែលហួសកាលបរិច្ឆេទនាំឲ្យប៉ះពាល់សុខភាព កាលពីអង្គារទី១៦ ខែកក្ដដា ឆ្នាំ២០១៩នេះ។
លោកប៉ោ លាងគង់ ប្រធានសាខាកាំកុងត្រូលខេត្តតាកែវបានឲ្យដឹងថា គោលបំណងក្នុងការចុះត្រួតពិនិត្យនេះ គឺដើម្បីអប់រំដល់សិស្សានុសិស្សតាមសាលាឲ្យមានការយល់ដឹងពីសុខភាពតាមរយៈការទិញនំចំណីហូបនៅក្នុងសាលាដោយមុននឹងប្អូនសិស្សានុសិស្សទិញនំចំណីហូបសូមពិនិត្យមើលនំចំណីដែលមានគុណភាពត្រឹមត្រូវមានអនាម័យល្អមានការបរិច្ឆេទហើយត្រូវចៀសវាងដាច់ខាតចំពោះនំចំណីណាដែលគ្មានអនាម័យ គ្មានគុណភាព ដែលគ្មានកាលបរិច្ឆេទច្បាស់លាស់ ដែលវានិងនាំឲ្យប៉ះពាល់ដល់សុខភាព។
ឆ្លៀតក្នុងឱកាសនោះលោកប្រធានសាខាកាំកុងត្រូលខេត្តតាកែវក៏បានធ្វើការណែនាំដល់បងប្អូនអាជីវករដែលដាក់លក់នំចំណីនៅតាមសាលារៀនសូមជួយលក់នំចំណីណាដែលមានអនាម័យគុណភាពមានការបរិច្ឆេទច្បាស់លាស់ជៀសវាងដាក់លក់នំចំណីដែលគ្មានអនាម័យគ្មានកាលបរិច្ឆេទដែលនាំឲ្យប៉ះពាល់សុខភាពរបស់សិស្សានុសិស្សទិញយកទៅទទួលទាន។
ជាមួយគ្នានេះដែរ ក្រៅតែពីការចុះត្រួតពិនិត្យទំនិញនៅតាមសាលារៀន មន្រ្តីជំនាញកាំកុងត្រូល ក៏បានចុះត្រួតពិនិត្យទំនិញនៅលេីទីផ្សារអង្គតាសោម នូវចំណីអាហារ ទំនិញជាគ្រឿងកំប៉ុង នឹងធ្វេីត្តេសបឋមលេីទំនិញជាចំណីអាហារ ជាលទ្ធផលរកពុំរកឃេីញទំនិញដែលមានសារធាតុគីមីនោះឡេីយ ៕
