(ក្រចេះ)៖ ក្រុមឈ្មួញទុច្ចរិតនៅខេត្តក្រចេះ សម្រុកដឹកឈើទៅវៀតណាម តាមរថយន្តសាំយ៉ុង ហើយបាត់មុខក្រុមបង្ក្រាបបទល្មើសធនធានធម្មជាតិ ដូច្នេះពួកគេនាំធ្វើសកម្មភាពដឹកជញ្ជូនឈើចេញដោយមិនខ្លាចអ្វីទាំងអស់។
តាមប្រភពឈ្មួញដឹកឈើតូចតាចតាមរ៉ឺម៉កម៉ូតូ បាននិយាយថា មូលហេតុដែលពួកគាត់ដឹកតាមរ៉ឺម៉ក ដោយសារ កងរាជអាវុធហត្ថលើផ្ទៃប្រទេសបិទរថយន្តដឹកឈើទាំងអស់មិនឲ្យចរាចរណ៍ ទើបពួកគាត់ដឹករាមរ៉ឺម៉កម៉ូតូវិញ។
ប្រភពដដែលបានអះអាងថា មកពីឈ្មួញមួយចំនួនមិនយបង់ថ្លៃក្បាលឡានដល់ក្រុមបង្ក្រាប ទើបគេមិនឲ្យចេញ។
ពួកគាត់បានលើកឡើងថា ការដឹកឈើនាំទៅប្រទេសវៀតណាម សម្រេចនៅលើ កម្លាំងកងរាជអាវុធហត្ថលើផ្ទៃប្រទេស។
មន្ត្រីកងរាជអាវុធហត្ថលើផ្ទៃប្រទេសម្នាក់ សុំមិនបញ្ចេញឈ្មោះ ដែលប្រចាំការនៅស្រុកស្នួល បានបញ្ជាក់ថា ក្នុងរឿងនេះលោកមិនទាន់បានដឹងច្បាស់ទេ៕ 
