ភ្នំពេញ៖ ក្រុមហ៊ុន អេហ្វធី ឃែស អ៊ិចប្រេស ឯ.ក FT Cash Express Co ltd ជាក្រុមហ៊ុនអាជីវកម្មមួយទទួលបញ្ចាំ និងទទួលប្រាតិភោគដោយអនុប្បទាន ។ សម្រាប់ឆ្នាំ២០២០នេះ នឹងមានគម្រោងបើកសាខា ចំនួន១៥ នៅទូទាំងរាជធានី ខេត្តនៅកម្ពុជា ។
លោកបណ្ឌិតឧកញ៉ាភារម្យ វិចិត្រដារ៉ា បានឲ្យដឹងថា សាខាទី១ យើងនឹងសម្ភោធដាក់ឲ្យដំណើរការ ហើយ ចំពោះផែនការណ៍បន្តបន្ទាប់ទៀត យើងបើក ក្នុងឆ្នាំ២០២០នេះទៀត។
លោកឧកញ៉ាបានបញ្ជាក់ថា ក្នុង១សាខាយើង មានម្រោងទុន វិនិយោគ ជាង ១លានដុល្លារអាមេរិក ។ ផែនការណ៍ របស់យើងផ្តល់សេវាកម្មលើការបញ្ចាំអចលនទ្រព្យ ដូចជា ផ្ទះ ដីធ្លី ប្លង់រឹង ប្លង់ទន់ និងសម្ភារៈផ្សេងៗ ទៀត មានដូចជា ម៉ូតូ ឡាន គ្រឿងអលង្ការ និងគ្រឿងអេឡិចត្រូនិច ។
ឧកញ៉ាភារម្យ វិចិត្រដារ៉ា បានបញ្ជាក់ថា រាល់ផលិតផលដែលអតិ ថិជនដាក់បញ្ចាំ គឺអត្រាការប្រាក់ចាប់ពី១.៩% (ភាគរយ)ឡើងទៅ ដោយបត់បែនទៅតាមទំនិញ ដែលបានដាក់បញ្ចាំ ចំពោះកាប្រាក់ ឡើងថ្លៃ ចុះថ្លៃ ទៅតាមទីផ្សារ នៃទំនិញរបស់យើងសព្វថ្ងៃ ។ ហើយ ចំពោះរបស់ណាដែលមានហានិភ័យខ្ពស់ អត្រាការប្រាក់អាចឡើង ខ្ពស់ដែរ ។
លោកឧកញ៉ាបានបន្ថែមថា ការជ្រើសរើសយកហាងបញ្ចាំដែលស្របច្បាប់វាជារឿងមួយដ៏ល្អ ។ នេះជាចក្ខុវិស័យមួយ ជួយដល់បងប្អូនដែលមានបញ្ហាខ្លីលុយពីធនាគារ និងគ្រឹះស្ថានហិរញ្ញវត្ថុ តម្រូវការឯកសារ និងពេលវេលាយូរក្នុងការខ្ចី ។
ដូច្នេះ ប្រសិនបើយើងគ្មានឯកសារច្បាស់លាស់ ពិបាកក្នុងការ ខ្ចី។ ដោយមើលឃើញពីចំណុចនេះហើយ ទើបក្រុមហ៊ុនយើង បើកហាងបញ្ចាំ ស្របច្បាប់ខ្នាតតូច ដើម្បីជួយដល់បងប្អូន ប្រជាពលរដ្ឋ ក្នុងការខ្ចី លុយយកទៅបង្វិលទុនផ្សេងៗ បានលឿនហើយរហ័ស ៕
