អគ្គនាយកធនាគារអភិវឌ្ឍន៍ជនបទ និងកសិកម្ម រតិបលោក បានចុះអនុស្សារណៈយោគយល់គ្នាស្តីពីកិច្ចសហប្រតិបតការអនុវត្តកម្មវិធីហិរញ្ញប្បទានពិសេស របស់រាជរដ្ឋាភិបាល គាំទ្រសិប្បកម្ម សហគ្រាស ធុនតូច និងមធ្យម ក្នុងវិស័យកែច្នៃផលិតផលកសិកម្ម និងវិស័យកសិឧស្សាហកម្ម និងវិស័យកសិកម្ម រវាងធនាគារអភិវឌ្ឍន៍ជនបទ និងកសិកម្ម ជាមួយ សមាគមសហគ្រិនវ័យក្មេងកម្ពុជា សមាគមសហគ្រិនស្ត្រីកម្ពុជា និងសមាគមអ្នកវិនិយោគកម្ពុជា នៅថ្ងៃទី១៦ ខែមីនា ឆ្នាំ២០២០។
លោកបានថ្លែងថា ពាក់ព័ន្ធនឹងការដក EBA ដែលអាចនឹងជះឥទ្ធិពលមកលើវិស័យកាត់ដេរ សំលៀកបំពាក់ ស្ថិតក្នុងទំហំប៉ះពាល់តិចតួច រួមជាមួយការផ្ទុះមេរោគជំងឺផ្លូវដង្ហើម COVID-19 ផងដែរនោះ ជាពិសេស ជួយដល់ការពង្រឹងខ្លួនសម្រាប់សហគ្រាសធុនតូច និនិងមធ្យម។
រាជរដ្ឋាភិបាលបានសម្រេចអនុវត្តន៍វិធានការបន្ទាន់ ដើម្បីជួយ ឲ្យវិស័យទាំងនេះ កាន់តែរឹងមាំ ឈានទៅប្រកួតប្រជែងនៅលើទីផ្សារក្នុងស្រុក តំបន់ និងពិភពលោក ។
លោកបានថ្លែងទៀតថា ក្នុងទិសដៅជំរុញការអភិវឌ្ឍន៍ក្នុងវិស័យឯកជននេះ រាជរដ្ឋាភិបាលបានសម្រេចផ្តល់ ហិរញ្ញប្បទានពិសេសប្រមាណចំនួន ៥០ លានដុល្លារអាមេរិក ជួយដល់សហគ្រាសធុនតូច និងមធ្យមនៅកម្ពុជា ដើម្បីជាទុនសម្រាប់អភិវឌ្ឍន៍បន្ថែម ជាពិសេសវិស័យកែច្នៃផលិតផលកសិកម្ម និងវិស័យកសិ-ឧស្សាហកម្ម និងវិស័យកសិកម្មជាដើម។
ពាក់ព័ន្ធនឹងរយៈពេលនៃការខ្ចី សហគ្រាសនីមួយៗអាចខ្ចីបាន ចំពោះសហគ្រាសដែលបានចុះបញ្ជីរួចរាល់ និងបានកំពុងអភិវឌ្ឍន៍នៅក្នុងអាជីវកម្មរបស់ខ្លួន ស្ថិតនៅក្រោមសមាគមនីមួយៗ ក្នុងនោះការខ្ចីសម្រាប់ជាទុនបង្វិល មិនឲ្យលើសពីរយៈពេល២ឆ្នាំ។
ចំណែកចំពោះទុនវិនិយោគ មិនឲ្យលើសរយៈពេល ៥ឆ្នាំ ហើយសហគ្រាសនីមួយៗអាចធ្វើការកម្ចី ក្នុងរង្វង់ទំហំទឹកប្រាក់ប្រមាណ ៣០ ម៉ឺនដុល្លារអាមេរិក ដោយមានអត្រាការប្រាក់ប្រមាណ ៦% ពោលគឺទាបជាងប្រមាណ ២.៥ ទៅ ៣% បើធៀបធៀបទៅ នឹងតម្លៃការប្រាក់ទីផ្សារបច្ចុប្បន្ន ៕
