​លោកឧកញ៉ាឱសថបណ្ឌិត ហៃ លីអ៊ាង ផ្តល់អំណោយជូនសម្តេច សាយ ឈុំ ដើម្បីចែកជូនប្រជាពលរដ្ឋថែរក្សាអនាម័យនិងសុខភាព

លោកឧកញ៉ាឱសថបណ្ឌិត ហៃ លីអ៊ាង ប្រធានមូលនិធិគីណាល់និងជាប្រធានអគ្គនាយកក្រុមហ៊ុនសហគ្រាសផលិតឱសថប៉េប៉េអឹមនិងខនហ្វីរេលបានផ្តល់អំណោយជាទឹកលាងដៃ SEPTIDERM HAND RUP ដែលជាផលិតផលថ្មីរបស់សហគ្រាសផលិតឱសថ ប៉េប៉េអឹមចំនួន១០០០ដបនិងសាប៊ូសម្រាប់អនាម័យរាងកាយ SANIREX GEL INTIM FL/1000mlចំនួន៣០០០ដប សរុប ៤០០០ដប។
អំណោយនេះផ្តល់ជូនដល់សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា តាមរយៈលោក ដួង សុជាតិ ទីប្រឹក្សាសម្រេចប្រធានព្រឹទ្ធសភាដើម្បីសម្តេចយកទៅចែក ជូនប្រជាពលរដ្ឋក្នុងការចូលរួមថែរក្សាអនាម័យនិងសុខភាព។
នេះជាកាយវិការសប្បុរសធម៌មួយរបស់មូលនិធិគីណាល់ និងក្រុមហ៊ុន សហគ្រាសផលិតឱសថប៉េប៉េអឹម និងខនហ្វីរេល ក្នុងចូលរួមថែរក្សាសុខុមាលភាពប្រជាពលរដ្ឋកម្ពុជាទូទៅក្នុងទូទាំងប្រទេស កម្ពុជា។
ស្របពេលនឹងកាលៈទេសៈដែលតម្រូវឲ្យប្រជាពលរដ្ឋទូទាំងពិភពលោកត្រូវតែលាងសម្អាតដៃឲ្យបានញឹកញាប់ដើម្បីការពារសុខភាពពីការ​ចម្លងមេរោគ​ផ្សេងៗ​។