កាលពីថ្ងៃសុក្រ ទី០៨ ខែកុម្ភៈ ឆ្នាំ២០១៩នេះ ក្រសួងការពារជាតិប្រទេសរុស្ស៊ី បានទាមទារឲ្យសហរដ្ឋអាមេរិក បំផ្លាញចោលជើងទម្រសម្រាប់បាញ់មីស៊ីល តម្រង់គោលដៅ Tomahawk compatible defensive launchers និងបំផ្លាញចោលផងដែរ នូវយន្ត ហោះចម្បាំងគ្មាន មនុស្សបើកបរ (Attack drone) មុននឹងជួបចរចា។
នៅថ្ងៃសៅរ៍នេះ មន្ត្រីយោធាសហរដ្ឋអាមេរិកបានបដិសេធថា យន្តហោះចម្បាំងគ្មាន មនុស្សបើកបរ (Attack drone) មិនមែនជាគ្រាប់មីស៊ីលទេ ហើយក៏មិនពាក់ព័ន្ធនឹងសន្ធិសញ្ញា អាវុធនុយក្លេអ៊ែរកម្លាំងមធ្យម (Intermediate-Range Nuclear Forces Treaty) រវាងរុស្ស៊ី និងអាមេរិកដែរ ។
ការទាមទារ និងការឆ្លើយតប រវាងអាមេរិក និងរុស្ស៊ីនេះ ត្រូវបានធ្វើឡើងក្រោយពី ភាគីទាំងពីរ ទាំងអាមេរិក និងទាំងរុស្ស៊ី បានដកខ្លួនចេញពីសន្ធិសញ្ញា INF ៕
