អ្នកនាំពាក្យក្រសួងការបរទេសចិន បានប្រកាសថា ចិននឹងសងសឹកសហរដ្ឋអាមេរិកវិញ ដោយដាក់ទណ្ឌកម្មលើក្រុមហ៊ុននានារបស់ប្រទេសនេះ ក្រោយពីអាមេរិកបានសម្រេចបិទកម្មវិធី App ២តាមទូរស័ព្ទ គឺប្រព័ន្ធ WeChat និង Tik Tok ដែលនេះបើតាមការចុះផ្សាយរបស់ CNN ។
សូមបញ្ជាក់ថា រដ្ឋាភិបាលអាមេរិក បានសម្រេចកាលពីថ្ងៃអាទិត្យ ទី២០ ខែកញ្ញានេះ ដោយហាមប្រាមការប្រើប្រាស់ App ទាំង២របស់ក្រុមហ៊ុនចិន គឺប្រព័ន្ធ WeChat និង Tik Tok នៅលើទឹកដីអាមេរិក ។
រដ្ឋាភិបាលអាមេរិក បានចោទប្រកាន់ក្រុមហ៊ុនចិន ដែលមានប្រព័ន្ធ WeChat និង Tik Tok ពីបទឈ្លបយកការណ៍ ឬប្រមូលយកទិន្នន័យពីអ្នកប្រើប្រាស់ App ទាំង២នេះ ទៅអោយរដ្ឋាភិបាលចិន ខណៈដែលនៅពេលបច្ចុប្បន្ននេះ អាមេរិកមានអ្នកប្រើប្រាស់ប្រព័ន្ធ Wechat ប្រមាណជាង១៩លាននាក់ និងអ្នកប្រើប្រាស់ប្រព័ន្ធ Tik Tok ប្រមាណជាង១០០លាននាក់ ៕
