យោងតាមសារព័ត៌មាន Sputnik នៅថ្ងៃទី២០ ខែមករា ឆ្នាំ២០២១ បានឱ្យដឹងថា ខណៈពេល លោកដូណាល់ត្រាំ នៅក្នុងសេតវិមានជិតដល់ថ្ងៃពុធទី ២០ ខែមករា នេះប្រធានាធិបតីដែលបានចាកចេញបានប្រកាន់ខ្ជាប់នូវប្រពៃណីដែលមានជាយូរមកហើយនិងបានទុកលិខិតមួយច្បាប់ដល់អ្នកស្នងតំណែងរបស់គាត់គឺលោក ចូ បៃឌិន មុនពេលចាកចេញពីគេហដ្ឋានប្រធានាធិបតីជាលើកចុងក្រោយ។

លោក ដូណាល់ ត្រាំ ដែលបានបដិសេធមិនទទួលយកការបរាជ័យរបស់លោកអស់រយៈពេលជាងពីរខែមកនេះ គឺលោកមិនដែលអបអរសាទរចំពោះលោក បៃឌិន ចំពោះជ័យជម្នះរបស់លោកនៅក្នុងការបោះឆ្នោតថ្ងៃទី ៣ ខែវិច្ឆិកានោះទេ។

សូមបញ្ជាក់ថា អ្នកកាន់តំណែងមុនរបស់លោក ត្រាំ គឺលោកបារ៉ាក់អូបាម៉ា សម្រាប់ផ្នែករបស់គាត់ក៏បានទុកសារនៅក្នុងសេតវិមានមុនពេលចាកចេញពីមុខតំណែង របស់គាត់ផងដែរ។ ដោយបន្សល់ទុកការិយាល័យ Oval ស្របតាមប្រពៃណីរបស់ ប្រធានាធិបតីលោកបារ៉ាក់អូបាម៉ាបានសរសេរថា “យើងគ្រាន់តែជាអ្នកកាន់កាប់ការិយាល័យនេះ ជាបណ្តោះអាសន្នប៉ុណ្ណោះ” ៕