អន្តរជាតិ៖ ក្រសួងសុខាភិបាលប្រទេសប្រេស៊ីល បានរាយការណ៍ថាមានករណីឆ្លងមេរោគកូវីដ-១៩ សរុបចំនួន ១១,៤៨៣,៣៧០ ករណី និងមានចំនួនអ្នកស្លាប់រហូតដល់ជិត ២៧៨,២២៩ នាក់។
របាយការណ៍ដដែលបានបញ្ជាក់ថា មានករណីឆ្លងមេរោគកូវីដ-១៩ សរុបចំនួន ៤៣,៨១២ ករណី និងមានអ្នកស្លាប់ ១,១២៧ នាក់ក្នុងរយៈពេល ២៤ ម៉ោងកន្លងមកនេះ។
រដ្ឋសៅប៉ូឡូ ជារដ្ឋដែលរងផលប៉ះពាល់ ខ្លាំងបំផុតរបស់ប្រទេសនេះ បានឆ្លងជំងឺរាតត្បាត ដោយបានចុះបញ្ជីជាង ៨៨ ភាគរយនៅក្នុងមណ្ឌលថែទាំនៅមន្ទីរពេទ្យ ដោយអ្នកជំងឺកូវីដ-១៩ ខណៈមជ្ឈមណ្ឌលវេជ្ជសាស្ត្ររាប់សិបកន្លែងទៀត ត្រូវបានកាន់កាប់ទាំងស្រុង សម្រាប់ដាក់អ្នកជំងឺ។
រលកថ្មីនៃជំងឺរាតត្បាតកូវីដ-១៩ បានពន្លឿនទាំងការឆ្លង និងករណីស្លាប់ នៅក្នុងប្រទេសប្រេស៊ីល ក្នុងរយៈពេលប៉ុន្មានខែកន្លងមកនេះ ជាមួយនឹងការស្លាប់របស់ពលរដ្ឋ ដែលមានអាយុចន្លោះពី ២០ ទៅ ៥០ ឆ្នាំ។
អាជ្ញាធរសុខាភិបាលប្រទេសប្រេស៊ីល បានសន្មតថា រលកថ្មី នៃការឆ្លងទៅនឹងវីរុសប្រភេទ P.1 ដែលបានកើតឡើងនៅក្នុងរដ្ឋអាម៉ាសា នៅភាគខាងជើងប្រទេសប្រេស៊ីល កាលពីខែវិច្ឆិកា ឆ្នាំមុននិងចលនារបស់ប្រជាជន ក្នុងវិស្សមកាលរដូវក្តៅ ៕
