នាយកកិច្ចការបរទេសផ្នែកគ្រប់ គ្រងអាវុធ និងនយោបាយមិនសាយភាយអាវុធរបស់ប្រទេសរុស្ស៊ី លោក Vladimir Yermakov បានព្រមានមេដឹកនាំរបស់បណ្តាប្រទេសក្នុងតំបន់ អឺរ៉ុប មិនអោយទទួលយកមីស៊ីលរយៈ ចម្ងាយមធ្យមរបស់សហរដ្ឋអាមេរិកមកដាក់នៅលើទឹកដីរបស់ខ្លួន តាមការទាមទាររបស់មេ ដឹកនាំអាមេរិកនោះទេ ។
ការព្រមានរបស់ លោក Vladimir Yermakov ត្រូវបានធ្វើឡើងក្រោយពីមេដឹកនាំរបស់ សហរដ្ឋអាមេរិក បានទាមទារអោយមេដឹកនាំរបស់ប្រទេសមួយចំនួននៅតំបន់អឺរ៉ុប ទទួលយកមីស៊ីលពីអាមេរិក ទៅដាក់ពង្រាយលើទឹកដីរបស់ខ្លួនក្នុងគោលដៅទប់ទល់ជាមួយ នឹងឥទ្ធិពលយោធារបស់ប្រទេសរុស្ស៊ី ។
ភាពតានតឹងរវាងរុស្ស៊ី និងអាមេរិក បានកើនឡើងខ្លាំង ក្រោយពីប្រធានាធិបតីអាមេរិក លោក ដូណាល់ ត្រាំ បានសម្រេចដកខ្លួនចេញពីសន្ធិសញ្ញាអាវុធនុយក្លេអ៊ែរកម្លាំងមធ្យម INF ដែលត្រូវបានចុះហត្ថលេខាចាប់តាំងពីឆ្នាំ១៩៨៧កន្លងមក ៕
