ស្ទឹងត្រែង៖ជនជាតិឥណ្ឌូនេស៊ី ម្នាក់ត្រូវបានកម្លាំងប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងក្រៀលឃាត់ខ្លួន កាលពីវេលាម៉ោង ១២នឹង៣៥នាទី ថ្ងៃទី៣១ ខែមីនា ឆ្នាំ២០១៩ នៅចំណុច មុខប៉ុស្តិត្រួតពិនិត្យ ច្រកទ្វារចេញចូលអន្តរជាតិ កម្ពុជា-ឡាវ ស្ថិតក្នុងភូមិកំផាន់ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង។
សមត្ថកិច្ចបានឲ្យដឹងថាជនសង្ស័យឈ្មោះ NURUL FADLI EKO PUTRO ភេទប្រុស អាយុ៤៣ឆ្នាំ សញ្ជាតិ ឥណ្ឌូនេស៊ី ដោយមានការសង្ស័យក្នុងវាលី សមត្ថកិច្ចប៉ុស្តិ៍បានត្រួតពិនិត្យ និងឆែកឆេររកឃើញ នៅម្សៅក្រាមពណ៌សថ្លា ច្រកក្នុងកញ្ចប់នំគ្រប់ប្រភេទ ដូចជាកញ្ចប់កាហ្វេ កញ្ចប់ស្គរគ្រាប់ កញ្ចប់ប្រដាប់ប្រដាក្មេងលេង សង្ស័យជាសារធាតុញៀនសមត្ថកិច្ច ជំនាញ(BLO) ប្រចាំការច្រកទ្វារត្រពាំងក្រៀល មកត្រួតពិនិត្យបន្ថែម ពិតជាសារធាតុញៀន ពិតប្រាកដមែន ទើបឃាត់ខ្លួននឹកកសាងសំណំរឿងបញ្ជូនមកស្នងការខេត្តចាត់ការបន្ត។
សមត្ថកិច្ចបានបញ្ជាក់ថាក្នុងករណីឃាត់ខ្លួនជនជាតិឥណ្ឌូនេនេះសមត្ថកិច្ចបានដកហូតៈ សារធាតុញៀញខុសច្បាប់ ៤៤កញ្ចប់ធំនឹងតូច ក្នុងវាលីច្រកក្នុងកញ្ចប់នំ ស្ករគ្រាប់ នឹងកញ្ចប់ការហ្វេ វិចខ្ចប់យ៉ាងស្អាត។
បច្ចុប្បន្នជនសង្ស័យត្រូវបានបញ្ចូនខ្លួន មកស្នងការដ្ឋាននគបាលខេត្តកសាងសំណំុរឿង បញ្ចូនទៅសាលាតំបូងខេត្ត ចាត់ការទៅតាមនិតិវិធី ។ បច្ចុប្បន្នជនសង្ស័យឃាត់ខ្លួនបណ្តោះអាសន្ន នៅស្នងការខេត្ត ដើម្បីស្រាវជ្រាវបន្តទៀត រកមុខមេឃ្លោងនៅពីរក្រោយខ្នង នឹងបក្ខពួគបន្តទៀត ៕
