ប្រជាពលរដ្ឋភូមិខ្ទីង ឃុំទងត្រឡាចរីករាយសាងសមិទ្ធិផលថ្មីពីសម្តេចតេជោនិងសម្ដេចកិត្តិព្រឹត្ឋបណ្ឌិតប៊ុន រ៉ានី ហ៊ុនសែន ហើយបានដាក់ពិធីសម្ពោធដាក់អោយប្រើប្រាស់ជាផ្លូវការណ៍សា លាបឋមសិក្សាថ្មី ក្រោមអធិបតីភាព ឧកញ៉ា ឡូវ ហ៊ឹង ទីប្រឹក្សាសម្ដេចតេជោហ៊ុន សែន កាលពីព្រឹកថ្ងៃទី 31 មិនា 2019។
ប្រជាពលរដ្ឋ លោកគ្រូ អ្នកគ្រូ និងកុមារា កុមារី បានសម្ដែងនូវទឹកចិត្តរំភើបរីករាយ ដោយពួកគេទទួលបានអាគារសិក្សា១ ខ្នងមាន ៥បន្ទប់ ដែលអំណោយរបស់សម្ដេចតេជោ និងសម្ដេចកិត្តិព្រឹទ្ធបណ្ឌិត ប៊ុន រានី ហ៊ុនសែន តាមរយះ ឧកញ៉ា ឡូវ ហ៊ឹង ក្រុមការងារគណៈបក្សប្រជាជនកម្ពុជា ចុះជួយឃុំទងត្រឡាច ស្រុកស្រីសន្ធរ ខេត្តកំពង់ចាម។
ឧកញ៉ា ឡូវ ហ៊ឹង ក្រុមការងារគណៈបក្សប្រជាជនកម្ពុជា ចុះជួយឃុំទងត្រឡាច ស្រុកស្រីសន្ធរ ខេត្តកំពង់ចាមមានប្ររសាសន៍ថា ការប្រកាសផ្ដល់ជូននេះ ដោយឯកឧត្តម ហ៊ុន ម៉ាណែត កាលពីថ្ងៃទី 18 មិនា 2018 ដោយក្ដាប់បានពីការលំបាករបស់ក្មួយៗ សិស្សានុសិស្សនៅភូមិខ្ទីងនេះចង់រៀនសូត្រត្រូវធ្វើដំណើរទៅរៀននៅឯភូមិខ្យោង ចំងាយរាប់គីឡូដី ដោយភូមិនេះតាំងពីដើមមក ពុំដែលមានសាលារៀននោះទេ។
លោកឧកញ៉ាបន្តថា នៅក្រោមកម្ដៅថ្ងៃ ភ្លៀងរលឹម ផ្គរ រន្ទះ ទទឹកសំពៀត សៀវភៅសឹងរាល់ថ្ងៃ ឯកឧត្ដមបណ្ឌិត ហ៊ុន ម៉ាណែត ក៍ប្រកាសផ្ដល់ជូនតាមសំណើរ និងបញ្ចុះបឋមសិលាសាងសង់នៅថ្ងៃទី 22 មិនា 2018 ដល់ថ្ងៃទី 23 មិនា 2019 រួចរាល់ជាស្ថាពរ និងបំពាក់សំភារៈសិក្សាគ្រប់គ្រាន់ និងដាក់សម្ពោធអោយប្រើប្រាស់នៅថ្ងៃទី 31 មិនា នេះ។
លោក ឧកញ៉ា ឡូវ ហ៊ឹង បានប្រគេនបច្ច័យព្រះសង្ស ចូលរួមក្នុងពិធីបុណ្យឆ្លងចំនួន ៧ លានរៀល ចំនាយរៀបចំថវិកា ៦លានរៀល និងជូនដល់សាលាថវិកា១ ម៉ឺនដុល្លាអាមេរិក និងចំនាយថវិកាផ្សេងៗមួយចំនួនទៀត ជូនប្រជាពលរដ្ឋ សមត្ថកិច្ចការពារ លោកគ្រូ អ្នកគ្រូ សិស្សានុសិស្ស និងចំណាយ ជួសជុលផ្លូវ ប្រវែង ១៣ km អស់ថវិកា ២៧ លានរៀល ។
លោកឧកញ៉ាបានសំណូមពរផងដែរសូមអោយប្រជាពលរដ្ឋមានការយោគយបញ្ហាបំរែបំរួលអាកាសធាតុ បណ្ដាលអោយកង្វះទឹក និងថាមពលអគ្គីសនីបច្ចុប្បន្នដោយការយកចិត្តទុកដាក់ពីប្រមុខដឹកនាំសម្ដេចតេជោបានអោយអ្នកបច្ចេកទេសអគ្គីសនីទៅជួលនាវាផ្ទុកថាមពលពីប្រទេសទួគីមកដើម្បីបំពេញសេចក្ដីត្រូវការរបស់ប្រជាពលរដ្ឋយើងហើយ។
