មន្ត្រីមន្ទីរបញ្ចកោណសហរដ្ឋអាមេរិក កំពុងពិចារណាពីការលក់យន្តហោះចម្បាំងប្រភេទ F-35 ឲ្យទៅប្រទេសមួយចំនួននៅតំបន់អឺរ៉ុប មានប្រទេស ក្រិក រ៉ូម៉ានី និងប្រទេសប៉ូឡូញជាដើម ដែលប្រទេសទាំងនោះ មានទីតាំងនៅជិតប្រទេសរុស្ស៊ី ។
ការលក់យន្តហោះចម្បាំង និងគ្រឿងយុទ្ធោបករណ៍ផ្សេងទៀតឲ្យបណ្តាប្រទេសនៅអឺរ៉ុប គឺមានគោលដៅទប់ទល់ជាមួយឥទ្ធិពលយោធារបស់ប្រទេសរុស្ស៊ីនៅក្នុងតំបន់ ។
ប្រទេសមួយចំនួនទៀត ដូចជាប្រទេស ហ្វាំងឡង់ ស្វីស និងអារ៉ាប់រួមជាដើម ក៏មានបំណងទិញយន្តហោះចម្បាំងប្រភេទ F-35 ពីសហរដ្ឋអាមេរិកដែរ ប៉ុន្តែមិនទាន់មានចម្លើយពិតប្រាកដពីសហរដ្ឋអាមេរិកនោះទេ ៕
