ឃុំខ្លួនបុរសរកស៊ីលក់ដូរគ្រឿងញៀន ម្នាក់ ពាក់ព័ន្ធការ ជួញដូរគ្រឿងញៀនជាង ២ គីឡូក្រាម

ខេត្តកំពង់ស្ពឺ៖ បុរសត្រូវចោទម្នាក់ កាលពីថ្ងៃទី ០៩ ខែ កុម្ភៈ ឆ្នាំ ២០២៣ ត្រូវបានចៅក្រមស៊ើបសួរ នៃសាលាដំបូងខេត្តកំពង់ស្ពឺ សម្រេចឃុំខ្លួន និង បានបញ្ជូនទៅឃុំខ្លួន នៅក្នុងពន្ធនាគារ ជាបណ្ដោះអា សន្ន  ដើម្បីរង់ចាំ ការធ្វើសវនាការ តាម នីតិវិធីផ្លូវច្បាប់ ជាប់ពាក់ព័ន្ធនឹងការប្រើប្រាស់ និង ជួញដូរគ្រឿងញៀន ជាង ២ គីឡូក្រាម ប្រព្រឹត្តនៅភូមិសា ស្ត្រខេត្តកំពង់ស្ពឺ និង នៅចំណុចផ្ទះលេខ០៤ ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។

យោងតាមដីកាបង្គាប់ឱ្យឃុំខ្លួនបណ្ដោះអាសន្នរបស់ចៅក្រមស៊ើបសួរបានឱ្យដឹងថា ជនត្រូវចោទ រូបនេះ មានឈ្មោះ ស៊ីវ សុភត្ត្រា ភេទប្រុស ជនជាតិខ្មែរ មុខរបរមិនពិតប្រាកដ ។

ជនត្រូវចោទ ត្រូវបានតំណាងអយ្យការចោទប្រកាន់ពីបទ ” រក្សាទុកនិង  ជួញដូរ ដោយខុសច្បាប់ នូវ សារធាតុញៀន ” តាម​មាត្រា​ ៤០ នៃច្បាប់ស្តីពីការត្រួតពិនិត្យគ្រឿងញៀន និង ប្រឈមមុខនឹងការជាប់ពន្ធនាគារ រហូតដល់ អស់មួយជីវិត ប្រសិនបើ តុលាការរកឃើញ ពិតសិទ្ធភាពុ។

ជនត្រូវចោទ ត្រូវបានសមត្ថកិច្ចនរគបាល ខេត្តកំពង់ស្ពឺ បានសហការជាមួយ កម្លាំងនគរបាលរាជធានីភ្នំពេញ ចាប់ខ្លួនកាល ថ្ងៃទី ០៥ ខែ កុម្ភៈ ឆ្នាំ ២០២៣ នៅចំណុចផ្ទះលេខ០៤ ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។

ក្រោយឃាត់ខ្លួនសមត្ថកិច្ចនគរបាលដកហូតបានវត្ថុតាងមួយចំនួនមាន៖ ញៀនប្រភេទ មេតំហ្វេតាមីន (ICE) ទម្ងន់ ២០៥១.០៧ក្រាម (ប្រមាណ ជាង២គីឡូក្រាម) ពី គាត់៕

ដោយ ទេព ច័ន្ទ