លោកបណ្ឌិត ឡាំ គឹមឡេង អគ្គនាយកសហគ្រាសធុនតូច មធ្យម និងសិប្បកម្មនៃក្រសួងឧស្សាហកម្មនិងសិប្បកម្មបានមានប្រសាសន៍ថា បច្ចុប្បន្ននេះក្រសួងឧស្សាហកម្ម និងសិប្បកម្មក៏ដូចជាអគ្គនាយកសហគ្រាសធុនតូច ធម្យម និងសិប្បកម្មកំពុងតែឲ្យម្ចាស់សហគ្រាសក្នុងស្រុកចាប់ផ្តើមអនុវត្តស្តង់ដារ ដើម្បីឲ្យសមស្របតាមស្តង់ដារអាស៊ាន និងទីផ្សារនាំចេញ។
លោកបណ្ឌិតបានមានប្រសាសន៍ទៀតថា« តាមពិតដើម្បីអនុត្តឈានចូលស្តង់ដារបាននោះ គឺមាន៣ កត្តាធំៗ ទី១ កត្តាមនុស្ស ដែលត្រូវមានជំនាញច្បាស់លាស់ ទី២ ប្រព័ន្ធសែសង្វាក់ផលិតកម្មមួយគ្រប់ជ្រុងជ្រោយ និងចំណុចទី៣ វត្ថុធាតុដើម ដែលត្រូវទាមទារឲ្យប្រើប្រាសឲ្យបានសមស្រប ហើយកត្តាទាំង៣ ខាងលើនេះ មិនអាចខ្វាស់គ្នាបាននោះទេ»។
លើសពីនេះលោកបណ្ឌិតថា ក្រសួងឧស្សាហកម្ម និងសិប្បកម្មមុនអនុញាតិឲ្យសហគ្រាសនិងសិប្បកម្មណាមួយបង្កើតឡើងនោះត្រូវឆ្លងកាត់ការត្រួតពិនិត្យពីក្រុមការងារជំនាញរបស់ក្រសួងនិងស្ថាប័នជំនាញ ហើយសែសង្វាក់ផលិតកម្មធ្វើយ៉ាងណាត្រូវអនុវត្តតាមគោលការណ៍ស្តង់ដារជាតិជាចម្បង ។
សម្រាប់អគ្គនាយកដ្ឋានសហគ្រាសធុនតូច មធ្យម និងសិប្បកម្មមានសុទិដ្ឋិនិយមថា រាជរដ្ឋាភិបាលកម្ពុជាពីមួយថ្ងៃទៅមួយថ្ងៃបានខិតខំប្រឹងប្រែងជួយដល់សហគ្រាសធុនតូច និងមធ្យមកម្ពុជាឲ្យពួកគាត់ងាកមករកផ្លូវច្បាប់ និងជួយគាំទ្រដល់ពួកគាត់ទាំងផ្នែកបច្ចេកទេស និងស្តង់ដារផលិត។
ទាក់ទនិងបញ្ហានេះ ក្រុមសហគ្រាសនៅកម្ពុជាបានគាំទ្រនូវវិធានការច្បាប់នេះផងដែរ ដោយពួកគាត់អះអាងថា«គឺជារឿងត្រឹមត្រូវសម្រាប់អ្នកមានកំហុស ដែលផលិតនាំឲ្យយមានគ្រោះថ្នាក់ដល់អ្នកបរិភោគក៏ប៉ុន្តែការនាំចូលផលិតផលតាមច្រកព្រំដែនគឺ ជារឿងសំខាន់ដែលគួរតែមានការត្រួតពិនិត្យ ដើម្បីកុំឲ្យពលរដ្ឋជួបបញ្ហាដល់អាយុជីវិតពេលទទួលទានហើយ»។
បើគិតមកទល់ពេលនេះ កម្ពុជាបានសម្រេចអនុម័តស្ដង់ដារគុណភាពផលិតផល មានជាង ៦០០ស្ដង់ដារហើយ ដែលក្នុងនោះ មានភាគច្រើនជាផលិតផលម្ហូបអាហារ។ គ្រប់ម្ចាស់សហគ្រាសផលិតទាំងអស់ ដែលមានផលិតផលផលិតផលមានផ្ទុកសារជាតិជាតិពុលដែលបណ្ដាលឲ្យអ្នកប្រើប្រាស់រងគ្រោះថ្នាក់ និងស្លាប់បាត់បង់ជីវិតនោះអាចនឹងត្រូវប្រឈមមុខនឹងទោសព្រហ្មទណ្ឌ ទោះបីជាមានចេតនា ឬគ្មានចេតនាក៏ដោយ។
