អនុវត្តតាមការណែនាំរបស់រាជរដ្ឋាភិបាលកម្ពុជា ក្រសួងមហាផ្ទៃ អគ្គនាយកដ្ឋានអន្តោប្រវេសន៍ និងនាយកដ្ឋានច្រទ្វារទី១ នៅថ្ងៃពុធ ៥កើត ខែចេត្រ ឆ្នាំម្សាញ់ ព.ស.២៥៦៨ ត្រូវនឹងថ្ងៃទី០២ ខែមេសា ឆ្នាំ២០២៥ លោកឧត្ដមសេនីយ៍ត្រី អុី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត បានរៀបចំវត្ថុអនុស្សាវរីយ៍មួយចំនួនមានក្រម៉ា ទឹកសុទ្ធ និងនំប៉័ង ចែកជូនបងប្អូនពលករខ្មែរដែលត្រឡប់មកពីប្រទេសថៃ ដើម្បីមកលេងស្រុកកំណើត និងចូលរួមអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដោយក្នុងនោះពលករម្នាក់ទទួលបាន ក្រម៉ា០១ ទឹកសុទ្ធ០១ដប និងនំប៉័ង០១ដើម ។
អញ្ជើញចូលរួមទទួលពលករ និងចែកវត្ថុអនុស្សាវរីយ៍នាឱកាសនោះឯកឧត្ដម សេង សក្ដា រដ្ឋលេខាធិការ ក្រសួងការងារ និបណ្ដុះបណ្ដាលវិជ្ជាជីវ: ឯកឧត្ដម សាន គឹមហុង អនុរដ្ឋលេខាធិការ ក្រសួងការងារ និងបណ្ដុះបណ្ដាលវិជ្ជាជីវ: ដោយមានការចូលរួមពីក្រុមការងារមកមន្ទីរអង្គភាពមួយចំនួនទៀត ។
សូមបញ្ជាក់ជូនជ្រាបផងដែរថា ការចែកក្រម៉ា ទឹកសុទ្ធ និងនំប៉័ងជូនពលករខ្មែរចូលប្រទេសទាំងអស់គឺអនុវត្តចាប់ពីថ្ងៃទី០១ រហូតដល់ថ្ងៃទី១៧ ខែមេសា ឆ្មាំ២០២៥ ៕
