សេចក្តីជូនដំណឹង
អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» នៃក្រសួងពាណិជ្ជកម្ម មានកិត្តិយសសូមជម្រាបជូន ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី បុគ្គលធ្វើធុរកិច្ច និងសាធារណជន មេត្តាជ្រាបថា៖ មុខងាររបស់ឧបករណ៍នេះគឺផ្ដោតទៅលើការវាស់បរិមាណសារធាតុគីមី «នីត្រាត» នៅក្នុងបន្លែ ផ្លែឈើ ត្រី និងសាច់ តែប៉ុណ្ណោះ គឺមិនមានមុខងារស្វែងរកសារធាតុគីមីហាមឃាត់ ឬអាចប្រើប្រាស់សម្រាប់វិភាគថ្នាំពុលកសិកម្ម សារធាតុពណ៌ហាមឃាត់ និងសារធាតុគីមីផ្សេងទៀតនោះទេ។ អាស្រ័យហេតុនេះ សូមសាធារណជនទាំងអស់ កុំមានការភាន់ច្រឡំ។
