ភ្នំពេញ:ថ្ងៃទី ២១ សីហា ២០២៥ ក្រុមហ៊ុន សុីធី រ៉ាយស៍ អុីមផត អិចផត ខូ អិលធីឌី City Rice Import Export Co., Ltd(រោងម៉ាស៊ីនកិនស្រូវ ឡាយសែ)បានបន្តប្រមូលទិញស្រូវពីប្រជាកសិករ នៅតំបន់ជិតខាង និងតាមរយៈការដឹកជញ្ជូនដោយឡានបែន។
ជាមួយគ្នានេះ ក្រុមហ៊ុនក៏មានការសហការជាមួយឈ្មួញកណ្ដាល ដើម្បីទិញស្រូវតាមវាលនៅតំបន់ឆ្ងាយផងដែរ។សំរាប់ថ្ងៃនេះក្រុមហ៊ុនប្រមូលបានជាង ១០០ឡានបែន ស្មើនឹង ១,០០០ តោនស្រូវសើម និងទិញតាមរយៈឈ្មួញកណ្ដាលប្រមាណ ៣០ឡាន ស្មើនឹង ១,២០០ តោន។ ទោះបីជាលេីសកម្រិតបន្តិច ក្រុមហ៊ុនក៏នៅតែព្យាយាមប្រមូលឲ្យបានអស់ ដើម្បីជួយសម្រួលដល់ប្រជាកសិករ កុំឲ្យស្រូវសល់តាមវាល។
គោលបំណងសំខាន់របស់ក្រុមហ៊ុន គឺដើម្បីជួយទប់ស្កាត់ការ
ទំលាក់តំលៃរបស់ឈ្មួញកណ្ដាលមួយចំនួន និងកុំឲ្យប្រទេសជិតខាងដូចជា វៀតណាម អាចទំលាក់តម្លៃស្រូវតាមអំពើចិត្តបាន។ ក្រុមហ៊ុនសូមប្តេជ្ញាថា នឹងបន្តការទិញស្រូវពីប្រជាកសិករ ឱ្យបានទូលំទូលាយ និងសកម្មជានិច្ច។
ក្នុងឱកាសនេះ ក្រុមហ៊ុនសូមអំពាវនាវដល់ប្រជាកសិករ ដែលស្រូវនៅមិនទាន់ទុំពេញលេញ សូមកុំប្រញាប់ច្រូត។ ស្រូវដែលទុំដាច់ ស្អាត និងមានគុណភាពល្អ តែងតែមានតម្លៃខ្ពស់ និងអាចអោយកសិករមានសិទ្ធិនិយាយថ្លៃបាន។ បើសិនជាច្រូតស្រូវនៅខៀវ ឬមិនទាន់ទុំ នោះមិនត្រឹមតែប៉ះពាល់ដល់តម្លៃទេ អាចនិងឈានដល់គេមិនទទួលទិញទៀត។
ក្រុមហ៊ុន សុីធី រ៉ាយស៍ អុីមផត អិចផត ខូ អិលធីឌី (City Rice Import Export Co., Ltd) និងរោងម៉ាស៊ីនកិនស្រូវ ឡាយសែ នឹងបន្តឈរជាមួយប្រជាកសិករ ដើម្បីធានាថា ស្រូវដែលបានដោយកម្លាំង និងឈាមញើសរបស់កសិករ ត្រូវបានទិញទុក និងរក្សាតម្លៃឲ្យបានសមរម្យ និងមានស្ថេរភាព។
