ភ្នំពេញ៖ ធនាគារជាតិនៃកម្ពុជា កាលពីថ្ងៃទី២៩ ខែកក្កដា ឆ្នាំ២០១៩ បានចញសេចក្តីបំភ្លឺជាសាធារណៈ បញ្ជាក់ពី ទុនបម្រុងអន្តរជាតិ។ ធនាគារជាតិបានបញ្ជាក់ថា សារព័ត៌មានមួយចំនួន បានបកស្រាយខុសពាក់ព័ន្ធនឹងទុនបម្រុងអន្តរជាតិ។ ការប្រៀបធៀបរវាងទំហំទុនបម្រុងអន្តរជាតិ នឹងចំនួនខែនៃការនាំចូលទំនិញ និងសេវា គឺមានលក្ខណៈបច្ចេកទេស ដើម្បីវាស់វែងពីភាពរឹងមាំនៃសេដ្ឋកិច្ច និងមិនពាក់ព័ន្ធជាមួយនឹងបញ្ហានយោបាយឡើយ។
សេចក្តីបំភ្លឺ បញ្ជាក់ថា ចំពោះកម្ពុជា ទុនបម្រុងអន្តរជាតិ បានកើនឡើងជាលំដាប់ ហើយបច្ចុប្បន្ន មានកម្រិត ៥ ខែ នៃការនាំចូលទំនិញ និងសេវា ពោលគឺខ្ពស់ជាង ៣ខែ ដែលជាកម្រិតអប្បបរមា ដែលប្រទេសកំពុងអភិវឌ្ឍន៍ គួរមាន។ ផ្អែកលើសូចនករនេះ សេដ្ឋកិច្ចកម្ពុជា កំពុងអភិវឌ្ឍប្រកបដោយចីរភាព និងភាពរឹងមាំ៕
