លោកស្រី Barbara Ortutay អ្នករាយការណ៍ព័ត៌មានផ្នែកបច្ចេកវិទ្យាឲ្យប្រព័ន្ធផ្សាយ Associated Press បាននិយាយថា ក្រុមហ៊ុន Facebook Inc អាចរកប្រាក់ចំណូលបានប្រមាណជាង៥៦ពាន់លានដុល្លារអាមេរិកក្នុងមួយឆ្នាំ ពីការផ្សព្វផ្សាយពាណិជ្ជកម្មឲ្យក្រុមហ៊ុននានានៅជុំវិញពិភពលោក ដែលនេះបើតាមការចុះផ្សាយរបស់ AP ។
លោកស្រី Barbara Ortutay បានបន្ថែមថា Facebook Inc ដែលជាក្រុមហ៊ុនបណ្តាញសង្គមធំមួយលំដាប់ពិភពលោកនឹងផលិតឧបករណ៍ថ្មីក្នុងគោលដៅរក្សាសុវត្ថិភាពជូនអតិថិជនរបស់ខ្លួន ដើម្បីចៀសវាងការលួចចូលពីអ្នកប្រើប្រាស់ផ្សេង ។
សូមបញ្ជាក់ថា កាលពីដើមឆ្នាំ២០១៩នេះ តុលាការរបស់សហរដ្ឋអាមេរិក បានផាកពិន័យក្រុមហ៊ុន Facebook Inc ជាទឹកប្រាក់ប្រមាណ៥ពាន់លានដុល្លារ ចោទប្រកាន់ក្រុមហ៊ុននេះពីបទលួចទិន្នន័យរបស់អ្នកប្រើប្រាស់ ៕
