ប្រព័ន្ធផ្សព្វផ្សាយ Reuters បានចុះផ្សាយថា អ៊ីរ៉ង់ចង់នាំប្រេងចេញទៅកាន់ទីផ្សារអន្តរជាតិប្រមាណ៧សែនបារ៉ែលក្នុងមួយថ្ងៃ ប្រសិនបើលោកខាងលិច មានបារាំង អង់គ្លេស និងអាល្លឺម៉ង់ ចង់ជួបចរចាស្តីពីការជួយសង្គ្រោះកិច្ចព្រមព្រៀងនុយក្លេអ៊ែរអ៊ីរ៉ង់កាលពីឆ្នាំ២០១៥ ។
ការលើកឡើងពីបំណងនាំប្រេងចេញរបស់អ៊ីរ៉ង់ ត្រូវបានធ្វើឡើងក្នុងជំនួបរវាងមន្ត្រីជាន់ខ្ពស់អ៊ីរ៉ង់ ជាមួយនឹងអ្នកការទូតលោកខាងលិច កាលពីថ្ងៃអាទិត្យ ទី២៥ ខែសីហានេះ ក្នុងគោលដៅបន្ធូរបន្ថយភាពតានតឹងនៅមជ្ឈិមបូព៌ា ។
សូមបញ្ជាក់ជូនថា ក្រោយពីអាមេរិកបានដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់ អាមេរិកបានសម្រេចដាក់ទណ្ឌកម្មលើអ៊ីរ៉ង់ ដោយហាមប្រាមមិនអោយអ៊ីរ៉ង់នាំប្រេងចេញទៅកាន់ទីផ្សារអន្តរជាតិ ដែលនេះគឺជាអ្វីដែលអ៊ីរ៉ង់ មិនសុខចិត្ត ៕
