ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) នៅថ្ងៃទី២៣ ខែធ្នូ ឆ្នាំ២០១៩ បានអនុញ្ញាតឲ្យបង្កើតរោងចក្រកែច្នៃស្បែកសត្វគ្រប់ប្រភេទ ដែលមានទុនវិនិយោគជិត ៥លានដុល្លារ តាមសំណើរបស់ក្រុមហ៊ុន។
សំណើសុំវិនិយោគលើគម្រោងបង្កើតរោងចក្រកែច្នៃស្បែកសត្វគ្រប់ប្រភេទទៅជាវត្ថុធាតុដើមពាក់កណ្តាលសម្រេច “Gelatine Granule”របស់ក្រុមហ៊ុន “KUBON (CAMBODIA) BIOTECHNOLOGY CO.,LTD.” ។
គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញ “វិញ្ញាបនប័ត្រចុះបញ្ជីជាស្ថាពរ” ជូនដល់ក្រុមហ៊ុន“KUBON (CAMBODIA) BIOTECHNOLOGY CO.,LTD.” ដែលមានទីតាំងវិនិយោគស្ថិតនៅភូមិតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ មានទុនវិនិយោគប្រមាណ ៤,៧លានដុល្លារអាមេរិក និងអាចបង្កើតការងារបានចំនួន ២៧០កន្លែង៕
