អ្នកជំនួញដីធ្លីដ៏ល្បីឈ្មោះមួយរូប លោក ហេរ៉ូ សុជាតិ ទទួលបានមេដាយព្រះរាជាណាចក្រកម្ពុជាថ្នាក់មហាសិរីវឌ្ឍន៍កាលពីថ្ងៃទី១៥ ខែមិនាឆ្នាំ២០ ២០នេះ ដែលរៀបចំឡើងក្នុងពិធីសម្ភោធសមិទ្ធិផលក្នុងវត្តនាគរង្សី (រោងដំរី) ឃុំរោងដំរី ស្រុកបាភ្នំ ខេត្តព្រែវែង។
លោកហេរ៉ូ សុជាតិ ជាអ្នកជំនួញដីធ្លីកំពុងលេចធ្លោនិងមានឈ្មោះបោះសម្លេងក្នុងសង្គមបានថ្លែងថា”យើងខ្ញុំបានរៀបចំ ពិធីសម្ភោធឆ្លងសាបបេតុង និង ស្រោចស្រពព្រះសុគន្ធវារី ព្រះភិក្ខុ ចរិយាធម្មោ អិត វាសនា ព្រះចៅអធិការវត្ត នាគរង្សី និងក្នុងឱកាសព្រះអង្គទទួលបានមេដាយព្រះរាជាណាចក្រកម្ពុជាថ្នាក់មហាសិរីវឌ្ឍន៍ផងដែរ”។
លោកបានថ្លែងទៀតថា ខ្ញុំព្រះករុណា ហេរ៉ូ សុជាតិ និងក្រុមគ្រួសារ ព្រមទាំងសមាជិកសមាជិការនៃក្រុមហ៊ុនអចលនទ្រព្យ TOP4 REALTY សូមគោរពថ្វាយព្រះ ពរព្រះអង្គអោយមានសុខភាពល្អ ដើម្បីគង់ជាម្លប់បន្តការដឹកនាំ និងអភិវឌ្ឍន៍ទាំងពុទ្ធចក្រ និងអាណាចក្រអោយកាន់តែរីកចំរើនបន្តទៀត។
លោក ហេរ៉ូ សុជាតិ បានប្រសាសន៍ចាត់ទុកថា សុខសន្តិភាពគឺជាមូលដ្ឋានគ្រឹះដ៏សំខាន់ក្នុងការអភិវឌ្ឍន៍ប្រទេសជាតិយើងហើយ សូមចូលរួមគាំទ្រដល់ការអភិវឌ្ឍន៍ ប្រទេសយើងទាំងអស់គ្នា។
លោក ហេរ៉ូ សុជាតិ បានប្រឡូកចូលលើវិថីជំនួញអច លនទ្រព្យជាង២០ឆ្នាំ ដោយដើមឡើយលោកត្រឹមជាអ្នកភ្នាក់ងារដីធ្លីក្រុមហ៊ុនឯកជនមួយ និងជាអ្នកចែកចា យកាសែតពាណិជ្ជលើវិស័យដីធ្លីពីឆ្នាំ១៩៩៩ និងធ្លាប់ឆ្លងកាត់បទពិសោធន៍បម្រើការនៅក្រុមហ៊ុនធំៗជាច្រើនទៀតផង។
ដោយសារតែការតស៊ូ និងភាពអំណត់ព្យាយាមរាប់ឆ្នាំរហូតដល់លោកអាចជំនះឧបសគ្គចំពោះមុខជាច្រើន ក្នុងជីវិត ទម្រាំរំដោះខ្លួនចេញពីភាពក្រីក្របាន ដោយអាចកសាងកេរ្តិ៍ឈ្មោះល្បីល្បាញក្នុងសង្គមជាតិ។
ក្រៅពីកិច្ចការជំនួញអចលនទ្រព្យ លោក ហេរ៉ូ ក៏បាន បរិច្ចាគផ្សេងៗក្នុងសង្គមតាមរយ: ទេពកោសល្យបង្រៀនពីវិថីឈានដល់ភាពជោគជ័យលវិស័យអចលនទ្រព្យកម្ពុជាដល់អ្នកជំនានក្រោយ និងជាគ្រូបង្វឹកអ្នកជំនួញផងដែរ។
លោក ហេរ៉ូ សុជាតិ បច្ចុប្បន្នបានក្លាយជាប្រធានក្រុមប្រឹក្សា ភិបាលទទួលបន្ទកជាអគ្គនាយកនៃក្រុមហ៊ុន TOP4 REALTY ទោះបីលោកកំពុងជោគជ័យលើវិថីជំនួញនាពេលសព្វថ្ងៃក៏ពិតមែន។ ប៉ុន្តែលោកតែងរំលឹលឡើងក្នុងពេលធ្វើបទបង្ហាញម្តងៗគឺតែងអរគុណសន្តិភាពជានិច្ច ។
លោកតែងលើកឡើងថា”សន្តិភាពគឺជាមូលដ្ឋានគ្រឹះ
ដំណើរវិឌ្ឍន៍និងការរីកចំរើននៃវិស័យអចលនទ្រព្យខុនដូ និងសំណង់នៅប្រទេសកម្ពុជានាពេលបច្ចប្បន្តហើយក្រុមហ៊ុនTOP4 REALTYនឹងផ្តល់ព័ត៌មានគ្រប់ជ្រុងជ្រោយជូនអតិថិជនទៅតាមត្រូវការដូចជា ទិញ លក់ និងជួលអចលនទ្រព្យផងដែរ។
ដោយ ហៃ ស៊ីណា (វឌ្ឍនា)
