លោកឧកញ៉ា តែ តាំងប៉ ប្រធានសម្ព័ន្ធសមាគសហគ្រាសធុនតូច និងមធ្យមកម្ពុជា រួមសមាជិកក្រុមប្រឹក្សាភិបាល ប្រធានសាខាទាំង២៥ខេត្តក្រុង និងលោកជំទាវ សូមចូលរួមមរណទុក្ខដ៏ក្រៀមក្រមជាទីបំផុត គោរពជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះការបាត់បង់អ្នកឧកញ៉ា ព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុន ស៊ាងលី ដែលបានទទួលមរណភាពក្នុងជន្មាយុ៩៦ ឆ្នាំ ដោយជរាពាធ។
អ្នកឧកញ៉ា ព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុន ស៊ាងលី គឹជាមាតាក្មេករបស់ សម្ដេចអគ្គមហាសេនាបតីតេជោ ហ៊ុន សែន និងជាមាតាបង្កើតរបស់សម្ដេចកិត្ដិព្រឹទ្ធប ប៊ុន រ៉ានី ហ៊ុនសែន។
លោកឧកញ៉ា តែ តាំងប៉ បានបានសម្តែងសមានទុក្ខថា «យើងខ្ញុំទាំងអស់គ្នា មានសេចក្ដីរន្ធត់ និងសោកស្ដាយជាអនេកព្រមទាំងសូមលំឱនកាយ វាចាចិត្ត ចូលរួមមរណទុក្ខដ៏ក្រៀមក្រមជាទីបំផុតនេះ ជាមួយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងចៅៗ និងចៅទួត។
«នេះមិនត្រឹមជាការបាត់បង់មាតានៃមហាក្រុមគ្រួសាររបស់សមេ្ដចតេជោ និងសម្ដេចកិត្ដិព្រឹទ្ធបណ្ឌិត ប៉ុណ្ណោះទេ តែជាការបាត់បង់ដ៏ធំធេងនៃឥស្សរជនដ៏ឆ្នើម ទាំងពុទ្ធចក្រ និងអាណាចក្រ សម្រាប់ប្រជាជន និងសម្រាប់ព្រះរាជាណាចក្រកម្ពុជា។
«សូមលើកដៃប្រណមបួងសួងដល់វិញ្ញាណក្ខ័ន្ធសពអ្នកឧកញ៉ា ព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុន ស៊ាងលី បានទៅកាន់សុគតិភពកុំបីឃ្លៀងឃ្លាតឡើយ»៕
