ប្រព័ន្ធផ្សព្វផ្សាយ Worldometer បានចុះផ្សាយថា ចំនួនមនុស្សឆ្លងវីរុសកូវីដ-១៩ សរុបនៅជុំវិញពិភពលោក បានកើនឡើងចំនួន ៥ ៥៨២ ៤១៨ នាក់ គិតត្រឹមព្រឹកថ្ងៃទី២៦ ខែឧសភានេះ ដែលជាកំណើននៃការឆ្លងក្នុងកម្រិតខ្ពស់ដដែល ។
ចំណែកកំណើនមនុស្សស្លាប់សរុបដោយសារវីរុសផ្លូវដង្ហើមមួយនេះ បានកើនឡើងដល់ជិត៣៥ម៉ឺននាក់ហើយដែរ គឺចំនួន ៣៤៧ ៥៦៣ នាក់ ខណៈដែលអ្នកជំងឺកូវីដ-១៩ ចំនួន ២ ៣៦១ ០៨៩នាក់ បានជាសះស្បើយពីវីរុសនេះ គិតត្រឹមថ្ងៃទី២៦ ខែឧសភា ឆ្នាំ២០២០នេះ ។
ក្នុងរយៈពេល២៤ម៉ោងចុងក្រោយនៅចន្លោះពីថ្ងៃទី២៥ដល់ព្រឹកថ្ងៃ២៦ ខែឧសភានេះ ចំនួនមនុស្សឆ្លងថ្មីសរុបនៅជុំវិញពិភពលោក មានចំនួន ៨៨ ៣៣៥នាក់ និងមនុស្សស្លាប់សរុបដោយសារវីរុសនេះក្នុងរយៈពេល២៤ម៉ោងចុងក្រោយដូចគ្នា គឺមានចំនួន ៣ ០៤៦នាក់ ៕
