កំពង់ធំ៖ លោក កៅ ថាច អគ្គនាយកនៃធនាគារអភិវឌ្ឍន៍ជនបទ និងកសិកម្ម និងសហការី បានអញ្ជើញជួបតំណាងកសិករជាង១០០គ្រួសារ ស្ថិតនៅក្នុងភូមិសារី ឃុំសានគរ ស្រុកកំពង់ស្វាយ ខេត្តកំពង់ធំ នៅព្រឹកថ្ងៃទី៣ ខែមិថុនា ឆ្នាំ២០២០។
លោក កៅ ថាច បានមានប្រសាសន៍ ជំរុញឲ្យបងប្អូនកសិករចងក្រងជាក្រុមផលិត ដើម្បីដាំដុះបន្លែ សុវត្ថិភាព និងឲ្យមានកិច្ចសហការជាមួយមន្ទីកសិកម្មខេត្ត ដើម្បីបងប្អូនរៀបចំផែនការដាំដុះឲ្យបានច្បាស់លាស់ក្នុងការផ្គត់ផ្គង់ចូលទីផ្សារ ។
លោកអគ្គនាយក បានណែនាំអំពីគម្រោងឥណទានខ្នាតតូចរបស់ធនាគារអភិវឌ្ឍន៍ជនបទ និងកសិកម្ម ដែលមានអត្រាការប្រាក់អនុគ្រោះ នឹងជួយរកទីផ្សារជូនដល់បងប្អូនកសិករ នៅពេលដែលកសិកដាំដុះនូវ ដំណាំផ្សេងៗបាន ៕
