ភ្នំពេញ៖ ឧកញ៉ាតាំង គួង ប្រធានក្រុមហ៊ុន(ឆាយវ៉ាងឯ.ក)បានប្រគល់សម្ភារៈ និងទឹកថ្នាំសម្លាប់មេរោគ ជំងឺកូវីដ-១៩ចំនួន១០មុខ ស្មើនិងទឹកប្រាក់ ៧,១៩៣.៤០ដុល្លារអាមេរិក នៅសាលារាជធានី ភ្នំពេញ នៅព្រឹកថ្ងៃទី២៨ កញ្ញា ឆ្នាំ២០២០។
នៅក្នុងពិធីប្រគល់និងទទួលនោះ លោក មាន ចាន់យ៉ាដា អភិបាលរងរាជធានី បានថ្លែងអំណរគុណ ចំពោះលោកឧកញ៉ា តាំង គួង ប្រធានក្រុមហ៊ុន(ឆាយវ៉ាងឯ.ក) ព្រមទាំងសហការី ដែល បានផ្ដល់ជាឧបករណ៏ សម្ភារៈ និងទឹកថ្នាំសម្លាប់មេរោគកូវីដ-១៩ ចំនួន១០ ប្រភេទស្មើនិងទឹកប្រាក់ ចំនួន៧.១៩៣.៤០ ដុល្លារជូនរដ្ឋបាលរាជធានីភ្នំ ពេញ ដើម្បីចាត់វិធានការទប់ស្កាត់ការរីករាលដាល នៃមេរោគកូវីដ(Covid-19) ។
លោក មាន ចាន់យ៉ាដា បានបន្ដថា តាមរយៈកាយវិការដ៏ល្អប្រពៃ ប្រកបដោយ មនុស្សធម៌ និងគុណធម៌ខាងលើនេះ លោកឧកញ៉ា តាំង គួង ពិតជាបាន រួមចំណែកយ៉ាងសំខាន់ជាមួយរដ្ឋបាលរាជ ធានីភ្នំពេញ និងរាជរដ្ឋាភិបាលកម្ពុជា ស្របតាមការអំពាវនាវរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ កម្ពុជា ក្នុងការចាត់វិ ធានការទប់ស្កាត់ការរីករាល ដាលនៃមេរោគកូវីដ-១៩ (Covid-19) ហើយឧបរករណ៏ជាសម្ភារៈ សម្លាប់មេរោគ កូវីដ-១៩នេះ រដ្ឋបាលរាជធានីភ្នំពេញ និងយកមកដាក់ឲ្យមន្ដ្រីរាជការ នៅរដ្ឋបាលរាជធានី ភ្នំពេញទាំងអស់បានប្រើប្រាស់ជាប្រយោជន៏ រួមហើយឧបករណ៏ និងសម្ភារៈទាំងនេះ ក្រុមហ៊ុនបានផ្ដល់ជូន មកឲ្យរដ្ឋបាលរាជធានីបានទាន់ពេលវេលា។
សូមបញ្ជាក់ថា សម្ភារៈនឹងទឹកថ្នាំសម្លាប់មេរោគកូវីដ-១៩ ដែលផ្ដល់ជូនពេលនេះមាន៖ ទូសម្រាប់បាញ់សម្លាប់មេរោគ០១ទូ ទឹកអាលកុល,ឧបករណ៏សម្រាប់បាញ់លាងដៃនិងជេល (អាកុលស្ងួត)សរុបជាទឹកប្រាក់ ៧,១៩៣.៤០ដុល្លារ ៕
