អន្តរជាតិ៖ លោកស្រី គីម យ៉ូជុង ប្អូនស្រីរបស់មេដឹកនាំកូរ៉េខាងជើង លោក គីម ជុងអ៊ុន បានស្តីបន្ទោសប្រធានាធិបតីកូរ៉េខាងត្បូង ចំពោះការហៅការសាកល្បងមីស៊ីលថ្មី របស់កូរ៉េខាងជើង ដែលពាក់ព័ន្ធ នឹងការស្នើឱ្យក្រុងសេអ៊ូល ទីក្រុងព្យុងយ៉ាង និងក្រុងវ៉ាស៊ីនតោន មិនគួរបង្កើតឧបសគ្គ សម្រាប់កិច្ចពិភាក្សាគ្នានោះទេ ។
នេះយោតាមប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃទី៣០ ខែមីនា ឆ្នាំ២០២១នេះ
សូមបញ្ជាក់ថា ប្រទេសកូរ៉េខាងជើង បានបាញ់មីស៊ីលផ្លោងចំនួន០២គ្រាប់ ចូលទៅក្នុងសមុទ្រក្បែរប្រទេសជប៉ុន កាលពីសប្តាហ៍មុន ដោយបញ្ជាក់ពីដំណើរការ រីក ចម្រើនឥតឈប់ឈរ នៅក្នុងកម្មវិធីអាវុធរបស់ខ្លួន និងបង្កើនសម្ពាធទៅលើសហរដ្ឋអាមេរិក ។
បន្ទាប់ពីការបាញ់បង្ហោះមីស៊ីល លោក Jae-in Moon ប្រធានាធិបតីកូរ៉េខាងត្បូង បានលើកឡើងថា កូរ៉េខាងត្បូង កូរ៉េខាងជើង និងសហរដ្ឋអាមេរិក គួរតែខិតខំប្រឹងប្រែង ដើម្បីបន្តកិច្ចពិភាក្សាគ្នា ។
លោកស្រី គីម យ៉ូជុង បានហៅការកត់សម្គាល់របស់លោក Moon ដែលគួរឱ្យស្អប់ខ្ពើម ចំពោះការយល់ព្រម ជាមួយសហរដ្ឋអាមេរិក ដែលបានថ្កោលទោសការសាកល្បងមីស៊ីល និងបាននិយាយថា កម្មវិធីមីស៊ីលនុយក្លេអ៊ែរ និងមីស៊ីលផ្លោងរបស់កូរ៉េខាងជើង បង្កការគំរាមកំហែងយ៉ាងធ្ងន់ធ្ងរដល់សន្តិភាព និងសន្តិសុខអន្តរជាតិ ។
លោកស្រី គីម យ៉ូជុង បានលើកឡើង នៅក្នុងសេចក្តីថ្លែងការណ៍មួយ ដែលធ្វើឡើងដោយ KCNA ថា “ អាកប្បកិរិយាដែលមិនសមហេតុផល និងប្រកបដោយភាពប៉ិនប្រសប់ របស់កូរ៉េខាងត្បូង គឺពិតជាដូចគ្នានឹងតក្កវិជ្ជា ដូចក្រុមក្មេងទំនើងរបស់អាមេរិកដែរ” ។
កាលពីថ្ងៃសុក្រ កូរ៉េខាងជើង បញ្ជាក់ថា ខ្លួនបានបាញ់មីស៊ីលបាលីស្ទិក រយៈចម្ងាយខ្លីប្រភេទថ្មីមួយប្រភេទ ។
ចំណែកលោក Joe Biden ប្រធានាធិបតីអាមេរិកវិញ បានថ្លែងថា ការសាកល្បងនេះ បានរំលោភលើសេចក្តីសម្រេច របស់ក្រុមប្រឹក្សាសន្តិសុខ អង្គការសហប្រជាជាតិ ប៉ុន្តែលោកនៅតែបើកចំហ ចំពោះការទូតជាមួយទីក្រុងព្យុងយ៉ាង ដដែល ៕
