ក្រុមហ៊ុន Cambodia Chemical Supply Co.,Ltd (ថ្នាំពណ៌ជាតិ) ទទួលបានវិញ្ញាបនបត្រក្រុមហ៊ុនគំរូដែលបានអនុវត្តប្រព័ន្ធផលិតភាព LEAN ពីអង្គការផលិតភាពអាស៊ី (APO) នៅថ្ងៃទី១៤ ខែមិថុនា ឆ្នាំ២០២១នៅក្រសួងឧស្សា ហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ។
ពិធីនេះរៀបចំឡើងក្នុងសិក្ខាសាលាផ្សព្វផ្សាយថ្នាក់ជាតិស្តីពី”វដ្ដនៃគុណភាព នវានុវត្តន៍ និងប្រព័ន្ធផលិតកម្ម LEAN ដេីម្បីលេីកកំពស់ផលិតភាពសហគ្រាសធនតូចនិងមធ្យម (SME)។
លោក សោម សម្បត្តិ នាយកក្រុមហ៊ុន Cambodia Chemi cal Supply Co.,Ltd (ថ្នាំពណ៌ជាតិ)បានចូលរួមក្នុងពិធីប្រគល់នូវលិខិតសរសើរ និការលើកទឹកចិត្តពីរដ្ឋមន្រ្តីក្រសួងឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ ។
លោក សោម សម្បត្តិ មានប្រសាសន៍ថា” បន្ទាប់ពីការខិតខំអស់រយៈពេល ជាង១ឆ្នាំ ក្រុមហ៊ុន Cambodia Chemical Supply Co.,Ltd (ថ្នាំពណ៌ជាតិ) យើងក៏ទទួលបានវិញ្ញាបនបត្រក្រុមហ៊ុនគំរូដែលបានអនុវត្តប្រព័ន្ធផលិតភាព LEAN ពីអង្គការផលិតភាពអាស៊ី (APO)”។
លោកបន្ថែមថា នេះជាការជួយ្រោមជ្រែងពីក្រសួងដែល ក្រោមអធិបតីភាពដ៏ខ្ពង់ខ្ពស់ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តីរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ផងដែរ ។
