ខេត្តតាកែវ៖ សង្វៀនជល់មាន់ និងអាប៉ោងដ៏ធំមួយកន្លែងស្ថិតនៅ ភូមិដកម៉ៃ ឃុំអង្កាញ់ ស្រុកទ្រាំង ខេត្តតាកែវ កំពុងតែបើកដំណេីរការលេងយ៉ាងគក្រឹកគគ្រេងមិនឃើញមានអាជ្ញាធរមូលដ្ឋានណាចុះណែនាំ និងហ៊ានបង្ក្រាបនោះឡើយ ។
យោងតាមសេចក្តីរាយការណ៍ពីប្រជាពលរដ្ឋបានឲ្យដឹងថាម្ចាស់ សង្វៀនមាន់ បានឈ្មោះ នី ជាមន្រ្តីប៉ូលីសបើកឲ្យលេងទីលានប្រជល់មាន់ដោយមានក្រុម ញៀនល្បែងសម្រុកចូលលេងពពាក់ពពួនគ្នា ដូចទឹកបាក់ទំនប់អញ្ជឹង។
ដោយភាគច្រើនមិនមានពាក់ម៉ាសការពារជំងឺឆ្លងកូវីដ បម្លែងថ្មីនោះឡើយ ខណៈ ជំងឺនេះ នូវមិនទាន់សាបរលាបនៅឡើយ ឯជំ ងឺឆ្លងប្រភេទថ្មីក៏កំពុងតែកើតមានឡើងដ៏គួរឲ្យព្រួយបារម្មពីថ្នាក់ដឹកនាំផងដែរនោះ។
ប្រជាពលរដ្ឋខាងលេីបានឲ្យដឹងថា ម្ចាស់ទីតាំង រូបនេះទំនងមានខ្នងបង្អែកដ៏រឹងមាំនៅពីក្រោយ ហើយមើលទៅ បានជាថ្លើមធំបើកឲ្យលេងល្បែង ដោយមិនខ្វល់ ពីចំណាត់ការឬការរំខានដល់អ្នកជជិតខាងហើយម្យ៉ាងវិញទៀតបង្កសម្លេងសប្បាយស្រែកទ្បូ ទ្បា ហូកញ្ជ្រៀវកងររំពងក្នុងមូលដ្ឋាន។
ជុំវិញបញ្ហាខាងលើនេះប្រជាពលរដ្ឋបានសម្ដែងការព្រួយបារម្ភនិងការភ័យខ្លាច កើតមានបទល្មើសផ្សេងៗដូចជា អំពើចោរកម្ម អំពើហិង្សាក្នុងគ្រួសារ និងបទល្មើសជួញដូរនិងប្រើប្រាស់គ្រឿងញៀន ព្រោះមានពលរដ្ឋខ្លះចាញ់ល្បែងលក់អស់ទ្រព្យសម្បត្តិដីធ្លី និងជំពាក់បំណុលគេជុំទិសបង្កជាបញ្ហាអសន្តិសុខសង្គម។
