យន្តហោះដឹកអ្នកដំណើរប្រភេទ Boeing 737 Max 8 បានចុះចតបន្ទាន់នៅរដ្ឋ Orlando សហរដ្ឋអាមេរិក កាលពីថ្ងៃអង្គារ ទី២៦ ខែមីនា ឆ្នាំ២០១៩នេះ ។
ប្រភពដដែលបានបន្ថែមថា ការសម្រេចចិត្តចុះចតបន្ទាន់នេះ ត្រូវបានធ្វើឡើងក្រោយ ពីបានហោះឡើងរយៈពេលត្រឹមតែពីបីនាទីប៉ុណ្ណោះ ខណៈដែលម៉ាស៊ីនយន្តោះមានបញ្ហា ហើយអ្នកជិះនៅលើយន្តហោះនោះមានតែ២នាក់ទេ គឺអ្នកបើកបរ និងសហសេវិក ។
មន្រ្តីអាកាសចរណ៍ស៊ីវិលអាមេរិកបានអោយដឹងថា ការហោះហើរ យន្តហោះដឹកអ្នកដំណើរប្រភេទ Boeing 737 Max 8 នេះ គឺត្រូវបានធ្វើឡើងជាផ្នែកមួយនៃការ ត្រួតពិនិត្យប្រព័ន្ធសុវត្ថិភាពយន្តហោះប្រទេសនេះ ក្រោយពីបានធ្លាក់ចំនួនពីរឡើងនៅឥណ្ឌូនេស៊ី និងអេត្យូពី ក្នុងរយៈពេលជិត៥ខែ និងបានសម្លាប់មនុស្សអស់ជាង៣០០នាក់៕
