អន្តរជាតិ៖ រូបភាពផ្កាយរណបដែលបានបង្ហាញកាលពីថ្ងៃសៅរ៍ ឃើញដឺប៉ូស្តុកប្រេងឆាបឆេះជាអគ្គិភ័យនោក្នុងភូមិ កាលីនូវកា ប្រទេសអ៊ុយក្រែន ក្រោយរងការវាយប្រហារពីកងកម្លាំងរុស្ស៊ី ។
ផ្សែងខ្មៅដ៏ខ្មួរខ្មាញ់ ត្រូវបានគេមើលឃើញនៅពីលើដឺប៉ូមួយនេះ ស្ថិតនៅភាគខាងនិរតីទីក្រុងគីវ ។ អគារជាច្រើន រងការឆាបឆេះផងដែរនៅក្នុងសង្កាត់ អ៊ីពីន និងហូរ៉េនកា ក៏ដូចជាប៉មអង់តែនទូរទស្សន៍ នៅក្នុងសង្កាត់ អ៊ីហ្ស៊ីម ។
ប្រជាពលរដ្ឋរស់នៅក្នុងភូមិ Kalynovkaក្បែរទីក្រុងគីវ បានរៀបរាប់នៅពេលដែលឃ្លាំងស្តុកប្រេង ឥន្ធនៈមួយកន្លែងនៅក្នុងតំបន់ត្រូវបានអគ្គិភ័យឆាបឆេះដោយការបាញ់ផ្លោងរបស់រុស្ស៊ី។
ផ្សែងអាចត្រូវបានគេមើលឃើញចេញពីឃ្លាំងស្តុក បន្ទាប់ពីការផ្ទុះដ៏ខ្លាំង។ប្រជាពលរដ្ឋបាននិយាយថាវាគឺជាការបាញ់ផ្លោងដោយមីស៊ីល។
ស្ត្រីម្នាក់និយាយថា ដំបូងឡើយនាងបានឮសំឡេងអ្វីមួយកំពុងហោះ វាឮខ្លាំង ពេលនោះនាងបានរត់ ទៅកាន់ទីជម្រក ក្នុងពេលមានការផ្ទុះកើតឡើង។
ទោះបីជាមានការបាញ់ផ្លោងមិនឈប់ឈរក៏ដោយ ប្រជាជននិយាយថាពួកគេនៅតែមានបំណង ស្នាក់នៅទីនេះដដែល។
នាង Maiya និយាយថា យើងមិនដឹងថាយើងគួរធ្វើអ្វី ត្រូវរកកន្លែងដែលយើងគួរលាក់។ យើងមិនចង់ចាកចេញទៅណានោះទេ ព្រោះវាជាទឹកដីប្រទេសរបស់យើង ៕
