ភ្នំពេញ៖ សាកលវិទ្យាល័យអន្តរជាតិIU នៅថ្ងៃទី២៣ខែធ្នូនេះ បានសំដែងការកោតសរសើរនិងលើកទឹកចិត្តដល់ក្មួយៗទាំងពីរភេទដែលប្រលងជាប់ហើយទទួលបាននិទ្ទេសA ដោយស្នើសុំ ប្អូនៗនិងក្មួយៗទទួលបានជោគជ័យជាបន្តទៀតក្នុងការសិក្សាជំនាញនៅតាមសាកលវិទ្យាល័យក្នុងប្រទេស។
យោងតាម លោក សាម៉ន បណ្ឌិត សាកលវិទ្យាធិការរង បានបញ្ជាក់ថា ឥឡូវនេះសាកលវិទ្យាល័យអន្តរជាតិក៏បានស្វាគមន៏ទាំងសិស្សដែលប្រលងធ្លាក់ និងសិស្សដែលបានប្រលងជាប់គ្រប់និទ្ទេសទាំងអស់សូមអញ្ជើញមកកាន់សាកលវិទ្យាល័យអន្តរជាតិចាប់ពីថ្ងៃនេះតទៅ។
លោកបានបន្ថែមថា«ដើម្បីមកដាក់ពាក្យចូលរៀន រៀងរាល់ម៉ោងធ្វើការ ចាប់ពីថ្ងៃចន្ទ័ ដល់ថ្ងៃអាទិត្យ នៅគ្រប់សាខាទាំង៤នៅតាមខេត្ត និងទីតាំងចំនួន៣ទៀតនៅក្នុងរាជធានីភ្នំពេញរួមមានទីតាំងនៅបឹងកេងកង ទីតាំងនៅទូលគោក និងទីតាំងនៅសង្កាត់ឃ្មួញសូមអគុណ»។
ការជ្រើសរើសមុខវិជ្ជាសម្រាប់រៀនសូត្រ នៅកម្រិតឧត្តមសិក្សា និងជំនាញ គឺជាជម្រើសបុគ្គល និងគ្រួសារដោយផ្សារភ្ជាប់រវាងចំណង់ចំណូលចិត្ត និងឧបនិស្ស័យផ្ទាល់ខ្លួន និងទីផ្សារការងារ។
នាយកដ្ឋានជំនាញរបស់ក្រសួងអប់រំ យុវជន និងកីឡាចំនួនបី (នាយកដ្ឋានឧត្តមសិក្សា, នាយកដ្ឋានតម្រង់ទិសវិជ្ជាជីវៈ និងនាយកដ្ឋានយុវជន ដោយមានការរួមចំណែកពីក្រុមប្រឹក្សាយុវជនកម្ពុជា) បានចុះយុទ្ធនាការក្នុងការពន្យល់តម្រង់ទិសមុខជំនាញ ដល់សិស្សថ្នាក់ទី១២ នៅទូទាំងប្រទេស ដើម្បីបង្កើនការយល់ដឹងក្នុងការចាប់យកមុខជំនាញ អភិវឌ្ឍសង្គមសេដ្ឋកិច្ច។
សូជម្រាបថា ក្រសួងអប់រំបានប្រកាសលទ្ធផល នៃការប្រឡងសញ្ញាបត្រ មធ្យមសិក្សាទុតិយភូមិ (បាក់ឌុប) សម័យប្រឡង៖ ៥ ធ្នូ ២០២២ មានសិស្សសិស្សជាប់ ៩០៩៥០នាក់ស្មើនឹង៧២.៣៣% និទ្ទេស A ចំនួន១០៤៩នាក់, និទ្ទេស B ចំនួន៧២៣២នាក់, និទ្ទេស C ចំនួន១៩០៥៣នាក់, និទ្ទេស D ចំនួន៣១១៦៦នាក់ និងនិទ្ទេស E ចំនួន៣២៤៥០នាក់៕
