បាត់ដំបង: សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកបាណន់ ខេត្តបាត់ដំបងកាលពីថ្ងៃអង្គារ៍ ទី០៧ ខែមិនាឆ្នាំ២០២៣នេះបាន ញ្ជើញជាអធិបតី ក្នុងពិធីអបអរសាទរខួបលើក ទី១១២ នៃទិវាអន្តរជាតិនារី ៨មិនា ឆ្នាំ២០ ២៣។
កិច្ចប្រជុំធ្វើឡលងនៅសាលប្រជុំថ្នាក់ជាតិស្រុកបាណន់ ក្រោមប្រធានបទ” ស្រ្តីរួមគ្នារក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល ព្រមទាំងមានការចូលរួមពីក្រុមការងាររាជរដ្ឋាភិ បាល គណៈកម្មការចលនាស្រ្តីខេត្ត ស្រុក ភូមិ ឃុំ មន្ត្រីរាជការជុំវិញស្រុក ឃុំនិងភូមិ សរុបចំនួន៣២៣នាក់ (ស្រី២៨២នាក់)។
សន្តិបណ្ឌិត សុខ ផល បានមានប្រសាសន៍ថា ស្រ្តីគឺជាមាតាពិភពលោក ដែលយើងត្រូវតែយកចិត្តទុកដាក់ខ្ពស់និងអោយតម្លៃ ហើយពួកគាត់ក៏ត្រូវបានចូលរួមកិច្ចការងារដូចជាបុរសផងដែរ ទាំងឆាកនយោបាយ កិច្ចការងារផ្សេងៗជាច្រើនទៀត ។
សន្តិបណ្ឌិត ថ្លែងថា ស្រ្តីគឺជាអ្នករួមចំណែកផងដែរ ជាមួយបុរសគ្រប់រូប ដូច្នេះគឺត្រូវបានទទួលនូវសិទ្ធស្មើគ្នាដូចជាបុរសផងដែរ។
រាជរដ្ឋាភិបាលកម្ពុជា ប្រារព្ធពិធីសិទ្ធិនារី ០៨មិនាជារៀងរាល់ឆ្នាំ ហើយវាគឺជាថ្ងៃដ៏មានសារៈសំខាន់មួយ ដែលបានបង្ហាញពីប្រវត្តិដ៏អង់អាចរបស់ស្ត្រីនៅលើពិភពលោក ជាពិសេសអង្គការសង្គមស៊ីវិលនៅកម្ពុជា តែងតែប្រារព្ធទិវា អន្តរជាតិនារី យ៉ាងផុលផុស។
បន្ទាប់ពីបានសំណេះសំណាល និងសាកសួរសុខទុក្ខមក សន្តិបណ្ឌិត ក៏បានរៀបចំផ្តល់នូវអំណោ យជូនដល់អ្នកចូលរួមនូវកាដូអានុស្សាវរីយ៍ (ហូលផាមួងមួយសំពត់ និងថវិកាចំនួន៥០០០០៛) ព្រមទាំងថតរូបទុកជាអានុស្សារីយ៍៕
