មេដឹកនាំសហរដ្ឋអាមេរិក មានលោកប្រធានាធិបតី ដូណាល់ ត្រាំ រដ្ឋមន្ត្រីការបរទេសលោក Mike Pompeo និងទីប្រឹក្សាសន្តិសុខជាតិអាមេរិក លោក John Bolton បានគាំទ្រយ៉ាងពេញទំហឹងលើគណបក្សប្រឆាំងវែណេស៊ុយអេឡា ឲ្យវាយប្រហារផ្តួលរំលំរដ្ឋាភិបាលរបស់លោកប្រធានាធិបតី Nicolas Maduro ។
ការលូកដៃរបស់អាមេរិកនេះហើយ ដែលរដ្ឋមន្ត្រីការបរទេសរបស់ប្រទេសអេស្ប៉ាញ លោក Josep Borrell បានចង្អុលមុខមេដឹកនាំរបស់សហរដ្ឋអាមេរិកត្រង់ៗ ពាក់ព័ន្ធនឹងការលូកដៃចូលផ្ទៃក្នុងរបស់ប្រទេសវែណេស៊ុយអេឡាដោយឥតអៀនខ្មាស់ ។
លោក Josep Borrell បាននិយាយថា មេដឹកនាំអាមេរិកកំពុងដើរតួជាមនុស្សពាល ក្នុងសំណុំរឿងវែណេស៊ុយអេឡា ដោយប្រើយុទ្ធសាស្ត្រគ្រប់បែបយ៉ាងក្នុងការបំបែកបំបាក់អ្នកនយោបាយ និងយោធារបស់ប្រទេសនេះ ៕
